Read Hakha Chin SALM 62 Bible Online

SALM 62 - Hakha Chin bible

SALM 62

¹Pathian lawnglawng kaa bochan, amah sinin ka khamhnak cu a ra.

²Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

³Aa sawnmi vampang bantuk le baohmi hau bantuk a simi pa cu, nannih nih nan dihlak in zei can dah nan doh lai i thah nan i zuam lai?

⁴Nan duhmi cu upatnak hmun i a òhutnak khan òhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

⁵Pathian lawnglawng kha kaa bochan, amah lawnglawng kha kaa ruahchan.

⁶Amah lawnglawng hi a ka hupphengtu le Khamhtu a si, amah cu ka ralhruang a si i ahohmanh nih an ka tei bal lai lo.

⁷Khamhnak ka hmuhmi le upatnak ka hmuhmi cu amah thawng lawnglawng in a si; amah cu a òhawngmi lungpi ka him a si.

⁸Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

⁹Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

¹⁰Zaangòhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

¹¹Pathian nih, òhawnnak cu keimah ta a si i dawtnak ka ngeihmi cu a fek,

¹²a ti kha voi khat nak tam ka theih. BAWIPA, nangmah hrimhrim nih mi cu, an rianòuanning in na lehrulh ko hna.