Read Hakha Chin SALM 66 Bible Online

SALM 66 - Hakha Chin bible

SALM 66

¹Mi vialte hna, Pathian cu lunglawmhnak in thangòhat tuah u!

²A sunglawimi a min kha hla in thangòhat u, sunparnak in thangòhat u.

³Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

⁴Vawlei cungmi vialte nih an in biak i hla in an in thangòhat, na min kha hla in an thangòhat,” tiah chim u.

⁵Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

⁶Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

⁷A òhawnnak in a uk zungzal i miphun hna cu a ngiat zungzal hna. Ahohmanh amah doh awkah ral tho hna hlah seh.

⁸Miphun vialte hna, kan Pathian cu thangòhat tuah u; nan thangòhatnak cu thanter u.

⁹Amah nih nung dam tein a kan umter i tlu loin a kan umter.

¹⁰Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

¹¹Rap ah na kan foihter i kan keng ah thilrit na kan khinh.

¹²Kan ral nih khan an kan lamh beh; tilian le meisul lakah na kan kalter, asinain atu cu himnak hmun na kan phakter.

¹³Na inn ah khangh thawinak kha ka rak put lai; bia kaa kammi kha kan pek lai.

¹⁴Harnak chung ka rak um lio i kan pek lai ka timi kha kan pek lai.

¹⁵Biakòheng cung i khangh awkah tuu kha ka rak put hna lai, meheh khanghmi rim thaw kha aa zel lai i, cawtum le meheh kha raithawinak ah kan pek chanh hna lai.

¹⁶Pathian a upatmi vialte hna, ra u law ra ngai tuah u; Pathian nih ka ca i a tuahmi kha kan chimh hna lai.

¹⁷Pathian cu bawmhnak duh ah ka rak auh; amah cu hla in ka rak thangòhat.

¹⁸Ka sualnak kha rak thup ning law ka thlacamnak cu a rak ka ngaihpiak hnga lo.

¹⁹Sihmanhsehlaw Pathian nih cun a ka theihpiak i ka thlacamnak cu a ka ngaihpiak.

²⁰Pathian nih ka thlacamnak kha a ka hlawtpiak lo i a fekmi a dawtnak kha ka sinin òhial loin a um caah, amah cu ka thangòhat.