Read Hakha Chin SALM 67 Bible Online

SALM 67 - Hakha Chin bible

SALM 67

¹Maw Pathian, vawleicung mi vialte nih na duhnak kha an hngalh i

²miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

³Maw Pathian, miphun kip nih in òhangòhat hna seh, miphun vialte nih in thangòhat hna seh.

⁴Nangmah nih miphun vialte cu dinnak in bia na ceih hna i mi vialte cu na hruai hna caah miphun vialte cu i lawm hna seh law lunglawmhnak in hla sa hna seh.

⁵Mi kip nih in thangòhat hna seh, Maw Pathian; miphun vialte nih in thangòhat ko hna seh.

⁶Vawlei nih rawl kha a chuahter cang, Pathian kan Pathian nih thluachuah a kan pek cang.

⁷Pathian nih thluachuah a kan pek; vawleicung mi zakip nih upat hna seh.