Read Hakha Chin SALM 68 Bible Online

SALM 68 - Hakha Chin bible

SALM 68

¹Pathian cu tho seh law a ral kha òhek dih hna seh! Amah a huatu cu zam dih hna seh.

²Meikhu kha thli nih a choih bantukin a choih dih hna lai, khuailul kha mei nih a emh tikah a tit bantukin miòhalo cu Pathian hmaika ah an rawk lai.

³Sihmanhsehlaw miding mi cu an i lawm lai i a hmaiah khan an tha a nuam lai; lunglawm ngaingai in an um lai.

⁴Pathian cu hla in thangòhat u, a min cu thangòhat u; khuadawm aa citmi caah cun lam kha ser tuah u. Amah a min cu BAWIPA a si § amah hmaiah cun i lawm tuah u!

⁵A biakinn thiang chungah a ummi Pathian nih, ngakòah le nuhmei kha an zawn a ruah hna.

⁶Lungleng le umhar in a ummi kha umnak inn a pek hna i thongtla kha luatnak lawmhnak chungah a chuahpi hna; sihmanhsehlaw ralthawh hmangmi cu ramcar ah an um lai.

⁷Maw Pathian, na mi na hruai hna tik le thetse ram tan in na kalpi hna tikah khan

⁸vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.

⁹Ruah tampi in na surter i a fe cangmi na ram kha na òhatter òhan.

¹⁰Cuka ah cun na mi nih innlo an khuar i na òhatnak thawngin sifakmi kha rawl ei awk na pek hna.

¹¹BAWIPA nih nawlbia cu a chuah i cu thawng cu nu tampi nih an kalpi:

¹²“Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

¹³cu hranchaw hna cu ngun in tuammi òhuro milem tete an si, an thla cu sui bantukin a tleu. (Zeicahdah a cheu cu raldoh ni ah tuu kawm chungah nan um ko?)

¹⁴Lianngan Bik Pathian nih siangpahrang hna cu Zalmon Tlang ah a òhek dih hna tikah khika ah hawhra kha a surter.

¹⁵Bashan tlang hi zeitluk in a nganmi tlang dah a si! Tlang zum tampi a ngeimi tlang a si.

¹⁶Zeicahdah cu bantuk tlang ngan, tlang zum tampi a ngeimi tlang nih, Pathian nih umnak ah aa thimmi tlang cu na nihsawh? Cuka ah cun Pathian cu, zungzal in a um ko òung lai!

¹⁷A òhawngmi a rangleng thong tampi he BAWIPA cu Sinai Tlang in a ra i a hmunthiang ah cun a lut.

¹⁸Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun BAWIPA Pathian cu a um lai.

¹⁹Ni khat hnu ni khat kan thilrit a kan changtu BAWIPA cu thangòhat ko u, amah cu a kan khamhtu Pathian a si.

²⁰Kan Pathian cu mi a khamhtu Pathian a si, amah cu BAWIPA kan Bawipa, thihnak chungin a kan chuahtu a si.

²¹Pathian nih a ral pawl cu an lu a khuai hrimhrim hna lai, an sualnak lam a zul pengmi hna cu.

²²BAWIPA nih, “Nan ral cu Bashan in ka rak kirpi òhan hna lai; rili thukmi chungin ka rak kirpi òhan hna lai i

²³an thisen chungah cun nan i chawk lai i nan uico nih an duh chungin an liah hna lai,” a ti.

²⁴Maw Pathian, teinak in na kal cu mi vialte nih an hmuh, Pathian ka siangpahrang a hmunthiang chung i a luh cu an hmuh dih.

²⁵Hlasatu pawl kha hmaisuang ah an um, aw dawh tum thiam pawl kha hnulei ah an um, an karlak ah khan khuang tumtu nu pawl kha an um.

²⁶“A mi an i pumhnak ah Pathian cu thangòhat u; Israel tefa vialte hna, BAWIPA cu thangòhat ko u.”

²⁷A hmasa ah an lak i phun hme bik Benjamin kha a ra, cun Judah phun hruaitu pawl kha an mi hna he cun an ra i Zebulun le Naftali phun hruaitu pawl nih khan an zulh hna.

²⁸Maw Pathian, na òhawnnak langhter ko, kan ca i na hmanmi na òhawnnak kha langhter ko.

²⁹Siangpahrang nih laksawng an in putnak Jerusalem khua chung i na biakinn khan langhter ko.

³⁰Izipt cu mawhchiat ko, phaikung lak i a tlongmi sahrang kha mawhchiat ko, miphun cu chimhring ko hna, an fale he a ummi cawtum hna kha; annih nih na hmaiah an kun i an ngun cu an in pek hlantiang annih cu chimhring ko hna. Ral thawh a duhmi kha òhek ko hna.

³¹Izipt ram in cozah nih thlahmi lamkaltu an ra lai; Ethiopia mi nih Pathian sinah thlacam in an kut an hler lai.

³²Vawleicung ram hna, Pathian cu hla in thangòhat u, Bawipa cu thangòhat ko u.

³³Van a citmi, a hlunmi van aa citmi cu thangòhat u. Aw thang piin a au cu ngai tuah u.

³⁴Pathian òhawnnak cu thanh tuah u a lianhngannak cu Israel mi cungah a um, a òhawnnak cu van ah khin a um.

³⁵Pathian, Israel Pathian, a hmunthiang chung in a rami cu zeitluk in dah òihnung a si! A mi cu òhawnnak le lianhngannak a pek hna. Pathian cu thangòhat ko u!