Read Hakha Chin SALM 7 Bible Online

SALM 7 - Hakha Chin bible

SALM 7

¹Maw BAWIPA ka Pathian, nangmah cu ka himnak na si; a ka dawitu vialte hna sin hin ka khamh law ka chanh tuah.

²Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

³BAWIPA ka Pathian, mi cungah òhat lonak tuah le

⁴hawikom rawi le zei ruangah ti awk um set loin ral cungah òhat lonak tuah hi, hi hna lakah hin pakhatkhat ka tuah a si ahcun,

⁵Ka ral nih ka dawi hna seh law ka tlai hna seh, ka tu hna seh law ka that hna seh, vawlei ah nunnak ngei loin ka hril ta hna seh! Selah

⁶Na thinhun in tho tuah, maw BAWIPA, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

⁷Mi vialte kha na velchum ah pumhter hna law annih cu cunglei khan run uk hna.

⁸BAWIPA, nangmah cu mi vialte biaceihtu bawi na si. Kei cu miòha le a sual lomi ka si caah keimah lei òanh in biakhiahnak kha tuah ko.

⁹Miòhalo hna òhat lonak cu kham law miòha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

¹⁰A ka hupphengtu cu Pathian a si, amah nawl a ngaimi cu a khamh hna.

¹¹Pathian cu a dingmi biaceihtu a si, miòhalo kha sual a phawt zungzal hna.

¹²Mi cu an i ngaihchih lo ahcun Pathian nih a nam aa tat lai. A likuk kha aa hruai i kah colh dingin aa tim;

¹³A hmual a fak ngaimi a hriam kha aa lak hna i meialh bantuk a simi a cantiang kha aa tinh hna.

¹⁴Miòhalo nih thil òhalo a tuaktanning kha ruat hmanh; harnak chuahter ding kha khua a khan i hlennak kha a tuah.

¹⁵Vawlei ah khan khor thukpi a cawh i amah lila kha a cawhmi khor ah cun a tla.

¹⁶Cuticun amah òhat lonak lila nih khan harnak a pek i amah puarhrannak lila nih khan fahnak a pek.

¹⁷BAWIPA cu dinnak a tuahmi ruangah ka lawmh lai, Cung Nung Bik BAWIPA cu hla in ka thangòhat lai. Revised: 16 Dec.1997, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004 Typesetting tripple checked: Dec. 1 st 13 Nov 2004 Typesetting tripple checked: Dec. 1 st