Read Hakha Chin SALM 71 Bible Online

SALM 71 - Hakha Chin bible

SALM 71

¹Maw BAWIPA, nangmah cu kaa dornak hmun na si, zeitikhmanh ah ningzahnak ka phakter hlah!

²Na din caah ka hram law ka chanh ko, ka bia ka ngaihpiak law ka khamh tuah.

³Ka caah himnak lungpi si law a fekmi ralhruang a ka hupphengtu si ko; nangmah cu ka himnak lungpi le ka ralhruang na si.

⁴Ka Pathian, miòhalo hna kut chungin ka khamh tuah, mipuarhrang le miding lo hna kut chungin ka khamh ko.

⁵BAWIPA, nangmah cungah ka ruahchannak vialte kha ka chiah, ka no lio tein nangmah cu kan bochan zungzal.

⁶Ka nun chung vialte nangmah cu kan hngatchan; ka chuahka in nangmah nih na ka huhphenh zungzal; nangmah cu a zungzal in kan thangòhat lai.

⁷Ka nunnak hi mi tampi caah cun khuaruahhar a si, sihmanhsehlaw nangmah cu a òhawngmi a ka hupphengtu na si.

⁸Chun nitlak in kan thangòhat i na sunparnak cu ka chim.

⁹Atu cu a tar cang aipat tiin ka hlaw sawh hlah, san a tlai ti ualpat lo tiin ka kaltak hlah.

¹⁰Ka ral nih cun thah an ka duh, an i ceih i keimah thahnak ding khua kha an khaan.

¹¹An i thawh i, “Pathian nih a hlawt cang, dawi u sih law tlai u sih; zeicahtiah a chanhtu ding ahohmanh an um lo,” an ti.

¹²Maw Pathian, lamhlatpi ah ka umtak hlah; ka Pathian, atu ah ka bawm ko.

¹³A ka dohtu pawl kha sung hna seh law rawk hna seh. Ka cungah fahnak tlunter aa zuammi kha ningzahnak le hmaichiatnak phan hna seh.

¹⁴Nangmah cungah ka ruahchannak vialte cu ka chiah dih ko lai, nangmah cu kan thangòhat chin lengmang lai.

¹⁵Na dinnak kong kha ka chim lai i na khamhnak kha chun nitlak ka thanh lai; na khamhnak cu ka hngalh khawh leng a si nain ka thanh lai.

¹⁶Bawipa PATHIAN, na òhawnnak cu ka thangòhat lai, na dinnak, nangmah dinnak lawnglawng kha ka thanh lai.

¹⁷Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

¹⁸Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na òhawnnak le na lianhngannak ka chimnak dingah hin nangmah nih ka umpi ko.

¹⁹Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

²⁰Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek òhan lai i thlan chungin na ka khamh lai.

²¹Hmasa nakin a ngan chinchin ah na ka ser lai, nangmah nih hnangamnak na ka pek òhan lai.

²²Tingtang in nangmah cu kan thangòhat lai, Ka Pathian, zumhawktlak na sinak cu ka thangòhat lai. Maw Israel Mi Thiang, ka tingtang in nangmah thangòhatnak hla cu ka sa lai.

²³Nangmah thangòhat in tingtang ka tum pah in lunglawm in ka au lai, nangmah nih na ka khamh caah ka minung sinak a dihlak in kan thangòhat lai.

²⁴Chun nitlak in na dinnak kha ka chim lai, zeicahtiah harnak pek a ka duhmi kha an sung cang i ningzahnak an phan cang. ningzahnak an phan cang.