Read Hakha Chin SALM 73 Bible Online

SALM 73 - Hakha Chin bible

SALM 73

¹Pathian hi Israel mi hna cungah a òha taktak ko, lung thiang a ngeimi hna cungah a òha taktak ko.

²Sihmanhsehlaw kei cu ka rak tlu dengmang, ka rak nal dengmang;

³zeicahtiah miòhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

⁴Annih cu fahnak zeihmanh an ing lo, an ngan a dam i an òhawng.

⁵Midang bantukin harnak zeihmanh an tong lo, midang bantukin temhinnak zeihmanh an hmu lo.

⁶Cucaah cun ruamkai kha òhi bantukin an i oih i puarthau cu puan bantukin an i aih;

⁷An mit pawt lellul pipi in an um i an lungthin cu òhat lonak khuaruahnak in a khat.

⁸Midang kha zeihmanh ah an rel hna lo i thil òhalo lawng kha an ceih. An ruam a kai i zeitindah midang kha kan hrem khawh hna lai ti lawng kha an ceih.

⁹Vancung i a ummi Pathian kha an thangchiat i vawleicung i a ummi minung kha an duhduh in an ti hna.

¹⁰Cucaah cun Pathian mi hmanh nih an merhnawh hna i an chimmi paoh kha an zumh dih.

¹¹An i thawh i, “Pathian nih cun a hngal lai lo, Cungnung Bik nih cun a hmu lem lai lo,” an ti.

¹²Miòhalo mi cu hi bantuk hi an si ko. Thil tampi an ngei i an ngei chin luaimai.

¹³A si kun ahcun, thiang tein nun kaa zuam i ka kut in sualnak tuah lo kaa sum hi pakpalawng maw a si ko lai?

¹⁴Pathian, chun nitlak in harnak na ka inter i zing fate in dan na ka tat.

¹⁵Cu bantuk bia cu rak chim ning law na mi hna cungah rawitu ka rak si òung hnga.

¹⁶Cucaah cun hihi hngalh a har tuk ko nain, hngalh awkah kaa zuam;

¹⁷na biakinn chung i ka luh tik ceo ah miòhalo hna cungah zeidah a tlung lai ti kha ka hngalh.

¹⁸Lam nal ah na chiah taktak hna i rawhralnak chungah na tlakter hna.

¹⁹Chikkhatte ah an rawk i an donghnak cu òihnung ngaingai a si.

²⁰BAWIPA, annih cu zanmang bantuk an si, na hun i hlauh tikah annih cu an lo colh.

²¹Ka cekne tiangin a ka runh i ka thin a ka khenh tikah;

²²Ka hrut i zeihmanh ka hngalthiam lo; na cung i ka umtuning cu saram umtuning bantuk a si.

²³Asinain nangmah sin òhiamòhiam ah khan ka um i ka kut in na ka hruai.

²⁴Ka kalnak dingah khan lungthin na ka cheuh i a donghnak ah cun upatnak he na ka cohlan lai.

²⁵Vancung ah khin nangmah hlei in ahodah ka ngeih? Nangmah kan ngeih cang caah vawlei ah hin zeidah ka herhmi a um?

²⁶Ka pum le ka ruahnak cu zorchuk hna hmanh seh law Pathian kha ka thazang a si; amah lawnglawng kha ka herhmi cu a si ko.

²⁷Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

²⁸Sihmanhsehlaw kei ca tu ah cun, Pathian pawng um le, Bawipa PATHIAN chungah i dor le a tuahmi thil thanh hi a va nuam hringhran dah!