Read Hakha Chin SALM 80 Bible Online

SALM 80 - Hakha Chin bible

SALM 80

¹Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiòhutdan cung i a òhumi,

²na dawtnak cu kan cungah langhter ko; Efraim le Benjamin le Manasseh phun cungah langhter ko! Na òhawnnak cu kan hmuhter, ra law kan khamh tuah.

³Kan kirpi òhan ko, Maw Pathian! Na dawtnak kha kan cungah langhter law kannih nih khamhnak kan hmuh lai.

⁴Maw Lianngan Bik BAWIPA Pathian, zeitik tiang dah na mi hna kan thlacamnak hi let duh loin na kan um lai?

⁵Mitthli hi ni fate kan ei awk rawl ah na ser i hrai nganpi khat in kan din awkah na kan chiahpiak ko.

⁶Kan khua chingchan hna hmaiah ningzak in na kan umter i kan ral nih an lung diriam tein an kan nihsawh.

⁷Kan kirpi òhan ko, Maw Lianngan Bik Pathian, na dawtnak kha kan cungah langhter law kannih nih khamhnak kan hmuh lai.

⁸Izipt ram in mitsur ruang pakhat na chuahpi; miphun dang kha na òhawl hna i an ram ah cun cu mitsur ruang cu na phun.

⁹A òhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

¹⁰Tlang cu thladem a demh hna i sidar kung ngan pipi cu a nge nih a huh dih hna.

¹¹A nge cu an zam lengmang i Mediterranean Rili an phan, Zufrates Tiva tiang an phan.

¹²Zeicahdah a kulhnak hau vialte cu na bauh dih? Atu cu aa chawkmi paoh nih a thei kha an fir;

¹³ngal nih an nan dih i saram vialte nih an ei.

¹⁴Maw Lianngan Bik Pathian, kanmah leiah i mer ko! Vancung khin run kan zoh law ra law na mitsur ruang hi rung khamh ko.

¹⁵Nangmah hrimhrim nih na cinmi mitsur ruang hi ra khamh tuah; hi tluk òhawng in na òhantermi mitsur ruang no hi ra khamh tuah!

¹⁶Kan ral nih mei in an khangh i an sam dih; na thinhun in zoh hna law hrawk hna.

¹⁷Nangmah nih na thimmi miphun cu kan huppheng law kan zohkhenh ko, nangmah nih hi tluk òhawng in na òhantermi miphun cu kan zohkhenh ko!

¹⁸Nangmah cu zeitikhmanh ah kan in mertak ti lai lo; nungdam in kan umter law kan in thangòhat lai.

¹⁹Kan kirpi òhan ko, Maw Lianngan Bik BAWIPA Pathian! Na dawtnak kha kan cungah langhter law kannih nih khamhnak k zeitikhmanh ah kan in mertak ti lai lo; nungdam in kan umter law kan in thangòhat lai.