Read Hakha Chin SALM 86 Bible Online

SALM 86 - Hakha Chin bible

SALM 86

¹A derthawmmi le santlai lomi ka si caah ka thlacamnak cu ka ngaihpiak law ka let tuah, Maw BAWIPA.

²Nangmah kha an tlaihchanmi ka si caah thihnak in ka khamh ko; nangmah sal ka si ca le nangmah an bochanmi ka si caah ka khamh ko sawh.

³Nang cu ka Pathian na si caah ka cungah zaangfahnak ngei ko, Maw BAWIPA; chun nitlak in na sinah thla ka cam.

⁴Ka thlacamnak cu na sinah a kai lengmang caah na salpa hi ka lung ka lawmhter ko.

⁵Nangmah sin i thla a cammi hna cungah cun na òha i ngaihthiamnak le a fekmi dawtnak in na khat, Maw BAWIPA.

⁶BAWIPA, ka thlacamnak cu ka ngaihpiak law nangmah bawmh hal in ka aunak hi ka theihpiak tuah.

⁷Ka thlacamnak kha na ka leh tawn caah harnak caan ah nangmah kha kan auh lengmang.

⁸BAWIPA, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

⁹Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangòhat lai,

¹⁰zeicahtiah Pathian, nangmah lawnglawng hi a òhawngmi na si, nangmah lawnglawng hi khuaruahhar a tuah khotu na si.

¹¹BAWIPA, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka òuan nakhnga ka cawnpiak ko.

¹²Ka lungthin dihlak in kan thangòhat lai, Maw BAWIPA ka Pathian; na lianhngannak cu a zungzal in ka chim lai.

¹³A fekmi na dawtnak cu zeitluk in dah ka caah a ngan! Thlan tawne in na ka khamh.

¹⁴Maw Pathian, miruamkai pawl nih an ka fuh, nangmah zei i an rel lomi miòhalo pawl nih thah an ka zalh.

¹⁵BAWIPA, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

¹⁶Keimah leiah i mer law ka zaangfah tuah; ka nu nih a rak in biak bantukin kei zong nih kan biak ve caah, thazang òhawnnak ka pe law ka khamh tuah.

¹⁷BAWIPA, na òhatnak kha ka cungah langhter ko, cu tikah keimah a ka huami hna nih khan hnangamnak le bawmhnak na ka pek kha an hmuh lai i an ning a zak lai.