Read Hakha Chin SALM 9 Bible Online

SALM 9 - Hakha Chin bible

SALM 9

¹BAWIPA, ka lungthin dihlak in nangmah cu kan thangòhat lai, nangmah nih khuaruahhar thil na tuahmi vialte cu ka chim lai.

²Nangmah thawngin lunglawm in hla ka sa lai, maw Cung Nung Bik, nangmah cu kan thangòhat lai.

³Nangmah na langh tikah ka ral cu an i let, an tlu i an thi.

⁴A dingmi biaceihtu bawi bantukin na bawiòhutdan cungah na òhu i keimah lei òanh in biakhiahnak kha na tuah cang.

⁵Lawkihmi kha sual na phawt hna i miòhalo kha na hrawh hna, annih cu hngalh òhan, ti a um ti lai lo.

⁶Kan ral cu an dih cang, an khua cu na hrawh cang hna i a philh in philh an si dipdep cang.

⁷Sihmanhsehlaw BAWIPA cu zungzal in siangpahrang a si ko; biaceihnak tuah awkah a bawiòhutdan cungah cun a òhu.

⁸Dinnak in vawlei kha a uk i biading in mi kha an bia a ceih hna.

⁹Hremnak a ingmi hna caah BAWIPA cu himnak hmun a si i harnak caan ah ralhruang fek a si.

¹⁰Maw BAWIPA, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

¹¹Zion ah a ummi BAWIPA cu hla in thangòhat u, a tuahmi thil kha miphun kip chim hna u.

¹²Pathian nih hremnak a ingmi kha a philh hna lo i an aunak kha a philh lo: an cung i òhat lonak a tuahtu kha dan a tat hna.

¹³Maw BAWIPA, ka zaangfah ko! A ka huatu nih zeitluk in dah ka cungah òhat lonak an tuah kha ka hmuhpiak tuah. BAWIPA, thihnak chungin ka chuah law

¹⁴Jerusalem khuami hna hmaiah ka dir lai i nangmah kha zei ruangah dah kan thangòhat ti vialte kha ka chimh hna lai. Nangmah nih na ka chuah caah ka lung aa lawm lai.

¹⁵Lawkihmi nih khor an cawh i anmah an tla; rap an chiah i anmah an i foih.

¹⁶Ding tein bia a ceihnak ah khan BAWIPA cu amah le amah aa phuang i miòhalo hna cu anmah tuahnak lila ah khan an i foih. Higgaion. Selah

¹⁷Miòhalo vialte hna le Pathian a hlawmi vialte an donghnak cu thihnak a si.

¹⁸Mipam cu hrelh an si zungzal lai lo i hremmi cu ruahchan awk ngei lo an si zungzal lai lo.

¹⁹BAWIPA, ra tuah, mi nih zeirello in in um hna hlah seh! Lawkihmi cu na hmaiah chuahter hna law an bia ceih hna.

²⁰Maw BAWIPA, annih cu an thinphanter hna, minung menmen an si kha hngalhter hna. Selah Revised: 16 Dec.1997, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2 Double checked: Saya Khen Cham & Sui Mawng, 17 Feb 2003 Typesetting checked: 13 Nov 2