Read Hakha Chin SALM 90 Bible Online

SALM 90 - Hakha Chin bible

SALM 90

¹Maw BAWIPA, nangmah cu kan inn na si zungzal!

²Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

³Minung cu an rak sining ah khan kir òhan u na ti hna, vawlei ah na canter òhan hna.

⁴Kum thong khat hi nang caah cun ni khat bantuk a si; a dih cangmi nizan bantuk kha a si ko, zan khat chung i suimilam caan tawite pakhat bantuk khi a si ko.

⁵Tilian bantukin minung cu na fenh hna; zan mang bantuk men an si ko.

⁶Zinglei ah a hung keo i a hung òhang i a par i zanlei ah cun a carmi belh bantuk men an si ko.

⁷Na thinhunnak nih a kangh in a kan kangh i na thinlinhnak nih kan thin a kan phanter.

⁸Kan sualnak cu na hmaiah na chiah hna, a thli tein kan sualnak cu na hmuh dih ko hna.

⁹Na thinhunnak nih kan chan a kan tawiter; kan nunnak cu fifik bantuk men in donghnak a phan.

¹⁰Kan chan cu kum sawm sarih a si ko, kan thazang a òhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

¹¹Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil òihnung dah a chuahter khawh ti kha aho nih dah an hngalh?

¹²Kan nunnak hi zeitluk in dah a tawi ti kha kan hngalhter law cuticun kan fim deuh lai.

¹³BAWIPA, zei can dah kan cungah lung òhul loin na um lai? Na sal hna kan cungah hin zaangfahnak ngei ko.

¹⁴Zing fate in a fekmi na dawtnak in kan khahter, cuticun hla kan sa lai i kan nun chung vialte kan i lawm lai.

¹⁵Harnak kan in lio caan le kum chungah kan cungah na rak tluntermi ngaihchiatnak zat khan atu cu lunglawmhnak kan pe tuah.

¹⁶Kannih na sal rual hi khuaruahharmi thil na tuahmi cu kan hmuhter law kan tefa hna nih a liannganmi na òhawnnak cu hmu ve hna seh.

¹⁷BAWIPA kan Pathian, kan cungah na thluachuahnak cu um seh law kan thil timi kip ah khua awng kan pemhter ko! Kan thil timi kip ah khua awng kan pemhter ko!