Read Hakha Chin SALM 91 Bible Online

SALM 91 - Hakha Chin bible

SALM 91

¹Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

²“BAWIPA, nangmah cu a ka chanhtu le a ka hupphengtu na si! Nangmah cu ka Pathian na si; nangmah cu kan bochan,” an ti lai.

³Hmuh lomi thil òihnung vialte le thihnak zawtnak vialte chungin him tein an huhphenh hrimhrim lai.

⁴A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

⁵Zan i a chuakmi òihnung kha na òih hna lai lo, chun ah ruahpak loin a chuakmi cantiang zong kha na òih lai lo;

⁶mui lak i a ummi rai zong kha na òih lai lo i chun ceu i mi a that cuahmahmi ngal-eu zong kha na òih lai lo.

⁷Na pawng ah mi thong khat an thi ko lai, na velchum ah thong hra zong an thi ko lai, sihmanhsehlaw nang cu zeihmanh nih an tawng lai lo.

⁸Miòhalo cu zeitindah dantatnak a in kha na zoh lai i na hmuh lai.

⁹BAWIPA cu chanhtu ah naa ser i Cungnung Bik cu hupphengtu ah naa ser caah

¹⁰harnak zeihmanh nih an tlunhnawh kho lai lo i vanchiatnak zeihmanh na inn a phan lai lo.

¹¹Na kalnak kip i nangmah zohkhenhtu dingah Pathian nih a vancungmi kha a chiah hna lai.

¹²An kut in an in dawmh lai i lung ah na ke kha naa khawng lai lo.

¹³Chiandeih le rul kha na lamh hna lai, chiandeih òih nungnung le rul sivai òhawngòhawng kha na lamh chih len hna lai.

¹⁴Pathian nih, “A ka dawmi cu ka khamh hna lai i a ka hngalmi cu ka huhphenh hna lai.

¹⁵An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

¹⁶Laksawng ah nun sau ka pek hna lai i ka khamh hrimhrim hna lai,” a ti.