Read Hakha Chin SALM 92 Bible Online

SALM 92 - Hakha Chin bible

SALM 92

¹BAWIPA sinah lawmhnak hla sak cu zeitluk in dah a nuamh! Cungnung Bik Pathian, nangmah min upat in hlasak cu zeitluk in dah a nuamh!

²Hri tampi a ngeimi tingtang le thonglawi aw dawh he, a fekmi na dawtnak thangòhat in zingfate in hlasak le zumhawktlak na sinak zanfate in thanh cu a nuam hringhranmi a si.

⁴BAWIPA, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

⁵Maw BAWIPA, na tuahmi thil cu zeitluk in dah an ngan! Na ruahnak cu zeitluk in dah a thuk!

⁶Mihrut nih an hngalh khawh lo i lungtlawmmi nih an theihthiam khawh lomi cu,

⁷miòhalo kha belh bantukin an òhan i thil òhalo a tuahmi hna kha thluachuah an hmuh hi a si; sihmanhsehlaw rawhralnak an hmu ko lai,

⁸zeicahtiah BAWIPA, nangmah cu uktu ngan bik kha zungzal in na si.

⁹Na ral cu an thi lai i miòhalo vialte cu raldohnak ah an sung lai i an i òhek dih lai ti kha kan hngalh.

¹⁰Nangmah nih fungtum bantuk òhawng ah na ka ser; thluachuahnak na ka pek i ka lung aa lawm.

¹¹Ka ral an sungh kha ka hmuh i miòhalo pawl an ai len kha ka theih.

¹²Miding mi cu tumkung bantukin an hninghno lai i Lebanon tlang sidar thingkung bantukin an òhang lai.

¹³Annih cu BAWIPA inn chungah cinmi thing bantuk, BAWIPA biakinn chungah hninghno ngaiin a um i

¹⁴an tar tik hmanh ah thei a tlai lengmang i a zungzal in hring dildel in a um i a òhawng ngaimi bantuk an si.

¹⁵Hi nih hin BAWIPA cu a ding ti le a ka chanhtu ka lungpi chungah cun palhnak zeihmanh a um lo, ti kha a langhter.