Read Hakha Chin SALM 94 Bible Online

SALM 94 - Hakha Chin bible

SALM 94

¹BAWIPA, nang cu phuhlamtu Pathian na si, na thinhunnak kha langhter tuah.

²Nangmah cu mi vialte bia a ceihtu na si, tho law miporhlaw kha hmuh awk an i tlakmi dantatnak kha pe hna.

³Miòhalo pawl hi zei can dah an i lawmh lai? Zei can dah an i lawmh ko rih lai, Maw BAWIPA.

⁴Zei can dah òhat lonak a tuahtu pawl hi ruamkai in an um rih lai i sualnak an tuahmi kha an i porhlawt rih lai?

⁵BAWIPA, na mi kha an rial hna, nangmah ta a simi kha an hrem hna.

⁶Nuhmei le ngakòah kha an thah hna i kan ram chungah a ummi khual kha an nawn hna.

⁷An i thawh i, “BAWIPA nih cun a kan hmuh lem lai maw? BAWIPA nih cun a hngalh lem lai maw?” an ti.

⁸Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?

⁹Kan hna a sertu cu Pathian a si, zeitindah hna sertu Pathian nih cun thei loin a um khawh lai? Kan mit a sertu cu Pathian a si, zeitindah mit sertu nih cun hmu loin a um khawh lai?

¹⁰Miphun vialte cu amah ukmi an si, dantat loin a um hna hnga maw? Mi vialte a cawnpiaktu cu amah a si, hngal loin a um kho hnga maw?

¹¹BAWIPA nih an ruahmi cu a hngalh dih ko; zeitluk in dah an ruahnak pakpalawng a si ti cu a hngalh dih ko.

¹²BAWIPA, nangmah nih na chimhhrinmi, na phunglam na cawnpiakmi hna cu lunglawmmi an si,

¹³Miòhalo mi caah thlan cawh a si hlantiang, harnak caan ah dinhnak na pek hna.

¹⁴BAWIPA nih a mi cu a hlaw hna lai lo, amah ta a simi cu a zamtak hna lai lo.

¹⁵Biaceihnak hmun ah dinnak kha a um òhan lai i miding paohpaoh nih an zulh lai.

¹⁶Ahodah miòhalo a ka dohpitu kha nan si? Ahodah òhat lonak a tuahmi hna a ka dohpitu kha nan si?

¹⁷BAWIPA nih rak kan bawm hlah seh law, mithi khua kha khulrang tein kan rak phan diam ko hnga.

¹⁸Ka ke kha an nal cuahmah tikah, BAWIPA, na dawtnak nih a ka tlaih.

¹⁹Khuaruahhar vansang au in ka um tikah na ka hnemh i ka lung na ka lawmhter.

²⁰BAWIPA, ziknawh a eimi biaceihtu hna he cun zeitinhmanh in nan i tlak kho lo, dinlonak kha dinnak ah a ser i

²¹miòha kha a rawi a phiar i a sual lomi kha thih dantatnak a pemi hna he cun a komh in nan i kom kho lo.

²²Sihmanhsehlaw kei cu BAWIPA nih na ka huhphenh i ka Pathian nih him tein na ka umter.

²³Annih cu an òhat lo ruangah dan na tat hna lai i an sual ruangah na hrawh hna lai; BAWIPA kan Pathian nih na hrawh hna lai.