Read Hakha Chin SALM 96 Bible Online

SALM 96 - Hakha Chin bible

SALM 96

¹BAWIPA cu hla thar in thangòhat u, vawlei mi vialte hna, BAWIPA cu hla in thangòhat u!

²BAWIPA cu hla in thangòhat u, a kan khamhnak thawng òha kha nifate in chim u.

³Miphun hna sinah a sunparnak kha thanh u, mi vialte kha thil lianngan a tuahmi cu chim hna u.

⁴BAWIPA cu a lian a ngan i sang piin thangòhat awk a si; pathian dang vialte nakin òih awk deuh a si.

⁵Miphun dang hna pathian cu siasal men an si, sihmanhsehlaw BAWIPA nih cun van khi a ser hna.

⁶Sunparnak le rumra cu a velchum ah an um i lianhngannak le dawhnak cu a biakinn chungah an um.

⁷Vawleicung mi vialte hna, BAWIPA cu thangòhat ko u, a sunparnak le a òhawnnak kha thangòhat u.

⁸A min he aa tlakmi sunparnak kha BAWIPA cu pe u, raithawinak kha rak i put u law a biakinn chungah ra lut u.

⁹A Thiang Mi cu a hung chuah tikah a hmaiah khan kun u; vawleicung mi vialte hna, a hmaiah cun a ther in ther u.

¹⁰Miphun vialte kha, “BAWIPA cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

¹¹Vawlei le van, i lawm tuah u. Rili le a chung i a ummi thilnung vialte hna, awn u;

¹²lo le a chung i a ummi thil vialte hna, i lawm u! Cun tupi chung i a ummi thingkung hna cu lunglawm in BAWIPA hmaiah an au lai,

¹³zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.