Read Hakha Chin SALM 99 Bible Online

SALM 99 - Hakha Chin bible

SALM 99

¹BAWIPA cu siangpahrang a si, mi vialte cu an ther dih; cherubim cung i a bawiòhutdan cungah khan a òhu, vawlei cu aa hnin dih.

²BAWIPA cu Zion ah lianngan ngaiin a um, miphun vialte kha a uk dih hna.

³A lian a ngan i rumra a ngeimi a min cu mi vialte nih an thangòhat lai. Amah cu Mi Thiang a si.

⁴A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

⁵BAWIPA kan Pathian cu thangòhat u; a bawiòhutdan hmaiah khan amah cu bia u, amah cu Mi Thiang a si.

⁶Moses le Aaron cu a tlangbawi an si, Samuel cu a sinah thla a rak cammi pakhat a si; BAWIPA cu an auh i a leh hna.

⁷Khuadawm tom chungin a chawnh hna, a pekmi hna nawlbia le phunglam kha an zulh.

⁸BAWIPA kan Pathian, na mi nih na sinah thla kan camnak kha na kan leh; nangmah cu sualnak a ngaithiam khotu Pathian na si kha na kan hngalhter i kannih cu a sual lo ah na kan rel.

⁹BAWIPA kan Pathian cu thangòhat u, a tlang cungah cun amah cu bia u. BAWIPA kan Pathian cu Mi Thiang a si!