Read Hakha Chin PHUNGTHLUKBIA 11 Bible Online

PHUNGTHLUKBIA 11 - Hakha Chin bible

PHUNGTHLUKBIA 11

¹Cuai deu a hmangmi cu BAWIPA nih a huat hna, sihmanhsehlaw tahnak khing ahmaanmi cu a lawmhmi a si.

²Aa porhlawmi nih cun mi nihsawhnak tuan ah an hmuh lai. Cucaah mi toidorte i um a òha deuh.

³Miding cu an dinnak nih a hruai hna, sihmanhsehlaw mihrokhrawl cu an hrokhrawlnak nih a hrawh hna.

⁴Thihnak nih aan phak ni ah cun rumnak hi a òhahnem lo, sihmanhsehlaw dinnak cu thihnak chungin michuahtu a si.

⁵Miòha cu a dinnak nih khan a lam kha a fawiter, sihmanhsehlaw miòhalo cu amah òhat lonak nih khan a tlukter.

⁶Dinnak nih miding cu a chuah hna, sihmanhsehlaw mirawi hmang cu anmah duhfahnak lila ah khan an i foih

⁷Miòhalo cu a thih tikah aa ruahchanmi vialte cu amah sinah khan an lo, rumnak i bochan cu zeihmanh a òhahnem lo.

⁸Miding cu harnak chungin chuah a si, sihmanhsehlaw miòhalo cu cu chungah cun a paih in an i paih.

⁹Pathian zei ah a rel lomi hna an bia nih mi kha a hrawh tawn hna, sihmanhsehlaw miding hna fimnak nih cun a khamh hna.

¹⁰Miding hna huncho tikah khua cu aa lawm, miòhalo hna an thih tikah lawmhnak au thawng a um.

¹¹Miding hna an um thawngin khua cu a lianngan, sihmanhsehlaw miòhalo hna bia nih khua cu a hrawh tawn.

¹²A innpa a zawmhtaihmi cu mihrut a si, sihmanhsehlaw hngalhthiamnak a ngeimi cu dai tein a um tawn.

¹³Aa chawk lengmangmi mihmursau cu biathli phuan hmangmi an si, sihmanhsehlaw zumh awk tlak a simi nih cun thil kha a lung chungah a thuh hna.

¹⁴Hruainak a um lo tikah miphun kha an tlu tawn, sihmanhsehlaw fimchimtu tamnak hmun ah cun himnak kha a um.

¹⁵Na hngalh lomipa kha a leiba champiak awkah bia naa kam ahcun na lungre a thei lai, naa tel lo ahcun na caah a òha deuh lai.

¹⁶Vel a thiammi nu cu hmaizahnak a hmu, sihmanhsehlaw ziaza a thiang lomi cu ningzahnak a si. Chawlehnak le chawhrawlnak ah na ral a chiat ahcun awkhlawh na si ko lai, na ral a òhat ahcun na rum ko lai.

¹⁷Zaangfah a thiammi na si tikah nangmah le nangmah òhatnak naa pek a si, cun na puar ahcun nangmah le nangmah harnak naa pe ko.

¹⁸Miòhalo nih ahmaan loin miaknak a hmuh tawn, òhatnak a tuhtu nih cun laksawng taktak cu a hmuh lai.

¹⁹Dinnak tuah awk aa rialchih pengmi cu a nung lai, sihmanhsehlaw dinlonak tuah aa sehchih pengmi cu a thi lai.

²⁰Lungthin òhalo a ngeimi cu BAWIPA nih a huat hna, sihmanhsehlaw dinnak a tuahmi cu a lawmh hna.

²¹Hnadai tein um ko, miòhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

²²Aa dawh ngai nain ruah thiamnak a ngei lomi nu cu vok hnar sui tumbul tonh bantuk a si.

²³Miòha duhnak cu òhatnak ah a chuak tawn, sihmanhsehlaw miòhalo nih an duhmi kha an hmuh tikah mi vialte an thin a hung dih.

²⁴Mi pakhatkhat nih siang tein a òhenh lengmang hna i a rum chin, a dang pakhat nih tinsih in a um i herhbaunak lawng kha aa miak ko.

²⁵Nun va siang law na rum lai, midang kha va bawm hna law an in bawmh ve lai.

²⁶A rawl kha zuar a siang lomi cu mi nih chiat an serh, sihmanhsehlaw zuar a siangmi cu mi nih thluachuahnak an pek.

²⁷Naa tinhmi kha an òhat ahcun hmaizahnak na hmuh lai, Sihmanhsehlaw hnahnawhnak kha na kawl ahcun na hmuhmi cu cucu a si ko lai.

²⁸A rumnak kha aa bochanmi cu a òil lai, sihmanhsehlaw miding cu thinghnah hring bantukin an hninghno lai.

²⁹Amah innchungkhar cungah harnak a tluntermi cu a donghnak ah cun zeihmanh a ngei lai lo, mihrut cu mifim hna sinum an si zungzal lai.

³⁰Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

³¹Miding hna nih vawlei cungah hin an hmuh awk hnga kha an hmuh ahcun miòhalo hna le misual hna nih cun zeitluk in dah an hmuh chinchin lai.