Read Hakha Chin PHUNGTHLUKBIA 12 Bible Online

PHUNGTHLUKBIA 12 - Hakha Chin bible

PHUNGTHLUKBIA 12

¹Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

²BAWIPA nih miòha cu a lawmh hna, sihmanhsehlaw òhat lonak khua a khangtu cu sual a phawt hna.

³Mi hi òhat lonak nih a fehter kho lo, sihmanhsehlaw miòha hna hram cu òhial khawh lomi hram an si.

⁴Nupi òha cu a va caah bawi luchin a si, sihmanhsehlaw ningzahnak a tluntertu nupi cu ruh chung i khensar zawtnak bantuk a si.

⁵Miding hna tinhmi cu mi cung i ding tein tuah kha a si, sihmanhsehlaw miòhalo hna khuakhannak cu hlennak in a khat.

⁶Miòhalo hna bia nih cun thisen chuah ding kha a bawh, sihmanhsehlaw miòha hna bia nih cun khamhnak kha a umter.

⁷Miòhalo cu an tla i cucu an donghnak a si, sihmanhsehlaw miding hna tefa cu an i peh lengmang.

⁸Na fim ahcun thangòhatnak na hmuh lai, na hruh ahcun mi nih an in zohchuk lai.

⁹Mah nunnak caah rian a òuan ciahmahmi, mi sawhsawhte si cu, mingan bantuk i um i rawlòam òung nakcun a òha deuh.

¹⁰Miòha nih cun an saòil kha an zawn an ruah hna, sihmanhsehlaw miòhalo cu an saòil cungah cun an puar.

¹¹Amah a lote a thlo lengmangmi cu ei awk a za in a ngei, sihmanhsehlaw san a tlai lomi rian i caan pakpalawng i hman cu hruh a si.

¹²Miòhalo hna ralhau cu tlak bantukin a cim, sihmanhsehlaw miding hna hram cu fek tein a dir.

¹³Mi òhalo cu amah chimmi bia lila nih khan rap ah a foihter, sihmanhsehlaw miding cu harnak chungin an luat.

¹⁴Mi cheukhat nih an bia thawngin hlawh tlinnak an hmuh, sun a cheu nih an kut rian òuannak thawngin an hmuh awk hnga kha an hmuh ve.

¹⁵Mihrut nih cun ka ding tiah a ruah zungzal, lungthin cheuhmi a ngaimi cu mifim an si.

¹⁶Mihrut thinhun cu aa hngal zau, sihmanhsehlaw mifim nih cun serhsatnak kha zei ah rel duh loin a umtak men ko.

¹⁷Biatak a chimmi nih cun ding tein tehte a khan, sihmanhsehlaw tehte ding lo cu hlennak bia in a khat.

¹⁸Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

¹⁹Biatak cu zungzal in amah ningte a si ko, sihmanhsehlaw lih cu caan tawite lawnglawng a nung.

²⁰Òhat lonak khua a khangtu hna cu anmah le anmah an i hleng ko, sihmanhsehlaw zapi ca òhatnak a kawlmi hna caah cun lunglawmhnak a um.

²¹Miding hna cungah cun òhat lonak a tlung lo, sihmanhsehlaw miòhalo hna nih cun harnak lawnglawng kha an hmuh.

²²BAWIPA nih lihchim hmangmi cu a huat hna, Sihmanhsehlaw miding cu a lawmh hna.

²³Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

²⁴Miteima cu uktu an si lai, sihmanhsehlaw mithathu cu an thathutnak nih mi sal ah a canter hna lai.

²⁵Lung retheihnak nih minung cu lunglawm loin a tuah, Sihmanhsehlaw dawtnak bia nih cun lunglawmhnak in a khahter.

²⁶Miding nih cun òhat lonak kha an hrial, Sihmanhsehlaw miòhalo nih cun a pialtertu hna lam kha an zulh.

²⁷Ramvai thathu nih sa an kap kho bal lo, Sihmanhsehlaw teimami nih cun a sungmi chawva kha an hmuh lai.

²⁸Dinnak cu nunnak lei kalnak lam a si, Hruhnak cu thihnak lei kalnak lam a si.