Read Hakha Chin PHUNGTHLUKBIA 13 Bible Online

PHUNGTHLUKBIA 13 - Hakha Chin bible

PHUNGTHLUKBIA 13

¹Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.

²Miòha nih cun dinnak theitlai kha an ei, sihmanhsehlaw mirawihmang hna nih cun zaang-ennak kha buh le sa tlukin an duh.

³Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

⁴Mizaangthu pa nih cun zeilo pakhatkhat kha a duh ngaingai ko hnga, sihmanhsehlaw cucu a hmu bal lai lo, rian fak piin a òuanmi tu nih cun a duhmi paohpaoh kha a hmuh lai.

⁵Miding nih cun lihbia kha an huat; Sihmanhsehlaw miòhalo hna rian òuannak cu fihnung le ningzak an si.

⁶Dinnak tuahnak nih khan miding cu a ven hna, sihmanhsehlaw òhat lonak cu mi sual mi hna tluknak a si.

⁷Mi a cheukhat cu mirum bantukin an i umter, sihmanhsehlaw zeihmanh an ngei lo, a cheukhat cu sifak bantukin an i um ter, sihmanhsehlaw chawva tampi an ngei.

⁸Mirum nih a nunnak khamh awkah tangka hman a hau. Sihmanhsehlaw misifak cu ahohmanh nih an tlerh lo.

⁹Miding hna cu ceu ngaiin a ceumi meiceu bantuk an si. Sihmanhsehlaw miòhalo cu a mit cuahmahmi meiinn bantuk an si.

¹⁰Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

¹¹Khulrang in hmuhmi rumnak cu a ziam zau, sihmanhsehlaw tlawmpal, tlawmpal tein khonmi cu a karhcho.

¹²Ruahchannak cu a nikhua rauhter tikah hin lung a fak, sihmanhsehlaw saduhthahmi cu a tlin tikah hin nunnak thingkung a si.

¹³Chimhhrinnak bia zei ah a rel lomi nih amah cungah harnak a tlunter, sihmanhsehlaw a zulmi nih cun laksawng a hmuh lai.

¹⁴Mifim hna cawnpiaknak cu nunnak cerhti a si, mah cucu thihnak rap chungin an luatter khotu a si.

¹⁵Fimnak òha nih duhdawtnak a hlawh, Sihmanhsehlaw hlennak cu rawhralnak lei lam kalnak a si.

¹⁶Mifim cu a fim i zei thil paoh kha a thuhphenh, Sihmanhsehlaw mihrut nih cun a hruhnak kha a zar in a zar.

¹⁷Lamkaltu òhalo nih harnak chungah a luhpi tawn hna, Sihmanhsehlaw zumh awk tlak lamkaltu nih cun zeizong vialte kha an òhatter òhan tawn.

¹⁸Cawnpiaknak zei ah a rel lomi cu sifahnak le ningzahnak nih a phak hna, sihmanhsehlaw chimhhrinnak zei ah a relmi cu upatnak an hmu.

¹⁹Saduhthah tlin hi zeitluk in dah a òhat! Sihmanhsehlaw òhat lonak mertak hi mihrut caah cun fihnung a si.

²⁰Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

²¹Misual mi cu vanchiatnak nih a zulh hna, sihmanhsehlaw miding cu òhatnak laksawng an hmu lai.

²²Miòha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

²³Thlawh lomi vawlei nih misifak mi hna caah rawl a za in a chuah ko lai, sihmanhsehlaw cu zong cu dinlonak thawngin a lo dih ko lai.

²⁴Na fa cu dan na tat lo ahcun na huat a si, na dawt ahcun amah kha chimhring tuah.

²⁵Miding cu ei awk a za in an ngei, sihmanhsehlaw miòhalo cu an rawl a òam zungzal ko.