Read Hakha Chin PHUNGTHLUKBIA 14 Bible Online

PHUNGTHLUKBIA 14 - Hakha Chin bible

PHUNGTHLUKBIA 14

¹Nu fim nih an inn kha an sak, sihmanhsehlaw nu hrut nih anmah kut lila in an òheh dih hna.

²Miding nih cun BAWIPA kha an òih, sihmanhsehlaw midepde nih cun zei ah an rel lo.

³Mihrut biachimmi cu amah keng ca fungfek a si, sihmanhsehlaw mifim cu an hmurka nih a huhphenh hna.

⁴Cawtum um lonak ah cun buk cu a lawngin an um ko, sihmanhsehlaw cawtum thazang chungin rawl tampi a chuak.

⁵Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

⁶Miporhlaw nih cun fimnak kha a kawl nain a hmu lo, sihmanhsehlaw hngalhthiamnak a ngeimi caah cun fimnak cu a fawitemi thil a si ko.

⁷Mihrut cu hrial ko hna, zeihmanh an in cawnpiak khawh ding a um lo.

⁸Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

⁹Mihrut cu an sual ah an zei a poi lo, sihmanhsehlaw miòha nih cun ngaihthiamnak hmuh kha an duh.

¹⁰Na lunglawmhnak cu nangmah tate a si, na ngaihchiatnak zong nangmah tate a si, Ahohmanh na hrawm kho hna lai lo.

¹¹Miòhalo inn cu hrawh a si lai, sihmanhsehlaw miding inn cu a hungcho lai.

¹²Lam dik tiah na ruahmi kha thihnak lei kalnak lam a si kho ko.

¹³Minung cu a nih len ko zongah a lungchung tein a ngaih a chia ko hnga, lunglawmhnak a loh cang ahcun, ngaihchiatnak a um zungzal ko.

¹⁴Miòhalo nih a hmuh awk hnga a simi kha a hmuh lai, miòha nih a tuahmi thawng khan laksawng a hmuh lai.

¹⁵Mi lungthin tlawm nih cun zei paoh kha a zumh, sihmanhsehlaw mifim nih cun a lamh ding kha òha tein a zoh.

¹⁶Mifim cu ralring tein a um i òhat lonak kha a hrial, sihmanhsehlaw mihrut cu aa ralring lo i khulrang tuk in a tuah tawn.

¹⁷Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

¹⁸Mihrut nih cun an hruhnak nih a hmuh awk hnga a simi kha an co. Mifim cu hngalhnak kha bawi luchin ah chinhter an si.

¹⁹Miòhalo cu miòha hna hmaiah khan an bawk, miòhalo cu miding hna kutka ah khan an kun.

²⁰Misifak cu ahohmanh nih an duh lo, sihmanhsehlaw mirum cu hawikom tampi a ngei.

²¹Lunglawmmi si na duh ahcun misifak kha va zaangfah hna, mi zeihmanh zeirello i um kha sualnak a si.

²²Òhatnak caah rian na òuan ahcun mi nih an in zumh lai i an in upat lai, sihmanhsehlaw chiatnak caah na tuah ahcun na palh hrimhrim ko.

²³Rianòuan harnak nih hin òhathnemnak a chuahpi, kaa chim men lawng nih cun sifahnak lawng a chuahpi ko.

²⁴Mifim hna bawi luchin cu thil a chunglei an hmuh khawhnak hi a si, mihrut hna pangpar òhirual cu an hruhnak hi a si.

²⁵Biatak a chimmi tehte nih nunnak kha a khamh, sihmanhsehlaw lih a chimmi cu mi rawitu a si.

²⁶BAWIPA òihnak aa bochanmi miòhawng cu, A tefa hna caah himnak a si.

²⁷Thihnak in luat na duh maw? BAWIPA òihnak hi nunnak cerhti a si.

²⁸Siangpahrang cu ukmi tampi a ngeih tikah a lianngan, ukmi a ngeih lo ahcun a bawinak cu a lo ko.

²⁹Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

³⁰Lung daihnak nih pum kha a ngan a damter, sihmanhsehlaw nahchuahnak cu khensar zawtnak bantuk a si.

³¹Misifak kha nan serhsat hna ahcun anmah a Sertu Pathian nan serhsat kha a si, nan zaangfah hna ahcun cucu Pathian biak a si.

³²Miòhalo cu amah òhat lonak nih a thluk, sihmanhsehlaw miding cu a dinnak nih khan a huhphenh.

³³Fimnak a ngeimi hna lung chungah cun fimnak cu nuam tein a cam, sihmanhsehlaw mihrut hna lung chungah cun aa nuam lo.

³⁴Miphun a lianhngantertu cu dinnak a si, sualnak cu zei miphun paoh caah ningzahnak a si.

³⁵Siangpahrang nih a felmi rianòuantu kha an lawmh hna, sihmanhsehlaw an rian a tlolhmi cu dan a tat hna.