Read Hakha Chin PHUNGTHLUKBIA 15 Bible Online

PHUNGTHLUKBIA 15 - Hakha Chin bible

PHUNGTHLUKBIA 15

¹Lehnak nem nih thinhunnak a damter, sihmanhsehlaw biahrang nih cun thin a phawh.

²Mifimpa lei nih hngalhnak kha a karhter, sihmanhsehlaw mihrut nih cun pakpalawng bia kha a chim.

³BAWIPA nih khuazei ka i thil a ummi hmanh kha a hmuh dih, òhatnak kan tuah ah siseh, chiatnak kan tuah ah siseh, a kan hmuh dih ko.

⁴Bia nem cu nunnak thingkung a si, sihmanhsehlaw òhat lonak a tuahtu lei nih lungthin kha a khuai tawn.

⁵Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

⁶Miding nih an chawva kha an i chiah khawh, sihmanhsehlaw harnak caan a phak tikah miòhalo nih cun an thlau hna.

⁷Mifim hmurka nih hngalhnak kha an òhanter, mihrut lungthin tu cu, cu bantuk a si lo.

⁸Miòhalo hna raithawinak cu BAWIPA caah fihnung a si, sihmanhsehlaw miòha hna thlacamnak cu a lawmhmi a si.

⁹Miòhalo hna ziaza cu BAWIPA caah fihnung a si, sihmanhsehlaw dinnak a kawlmi kha a dawt hna.

¹⁰Palhnak kha na tuah ahcun fak piin dantatnak na hmuh lai, chimhhrinnak kha na duh lo ahcun na thi lai.

¹¹Sheol le Abaddon hmanh BAWIPA hmaiah cun an lang ko, minung lungthin chinchin cu zeitluk in dah a langh lai!

¹²Miporhlaw nih cun chimhhrinnak kha a duh lo, mifim hna sinah khan ruahnak va hal awkah a kal bal lo.

¹³Lungchung lawmhnak nih hmai a panhter, sihmanhsehlaw lungfahnak nih lungthin a khuai tawn.

¹⁴Mifim nih cun hngalh chin lengmang kha an duh, sihmanhsehlaw mihrut cu an hruhnak ah khan an i za ko.

¹⁵Harnak a ingmi hna caah cun nifate hi ni har an si dih ko, sihmanhsehlaw lung aa lawmmi hna caah cun nunnak hi a nuam zungzal ko.

¹⁶Bawipa òih bu tein tlawmte ngeih hi tampi ngeih i hnahnawk ngai i um nakin a òha deuh.

¹⁷Dawtnak aa telnak zanriah cu an hringso he lawng hmanh siseh law, a thaumi caw sa in tuahmi zanriah, huatnak aa telmi nakin a òha deuh.

¹⁸Thintawi nih siknak a chuahter, sihmanhsehlaw lungsaunak nih rem lonak a damter.

¹⁹Mithathu lam cu hling nih a buathnawh, sihmanhsehlaw teimami lam cu lampheipi a si.

²⁰Fapa fim nih a pa kha a lawmhter, sihmanhsehlaw a hrutmi mino nih a nu kha a nehsawh.

²¹Mihrut cu an hruhnak ah khan an i lawm ko, sihmanhsehlaw mifim nih cun ahmaanmi thil kha an tuah.

²²Ruahnak i cheuhnak a um lo ahcun khuakhannak kha a pingah a kal tawn, sihmanhsehlaw ruahnak cheutu an tam ahcun a hlawh a tling tawn.

²³Mipa nih a lehnak kha a lunghmuih ko lai, sihmanhsehlaw a caan he ahmaanmi bia fang khat cu zeitluk in dah a òhat deuh!

²⁴Mifim cu nunnak lam leiah khin an hung kal, thihnak lam leiah cun an vung kal lo.

²⁵BAWIPA nih aa porhlawmi inn cu a òheh, sihmanhsehlaw nuhmei thilri kha a humhak hna.

²⁶BAWIPA nih miòhalo hna ruahnak cu a huat, mithiang hna bia cu a lawmhmi an si.

²⁷A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

²⁸Miòha nih cun bialehnak an tuah hlanah an ruah hmasa, miòhalo nih cun khulrang in an leh, sihmanhsehlaw an lehnak nih cun harnak a chuahter.

²⁹Miòha nih thla an cam tikah BAWIPA nih a ngaihpiak hna, sihmanhsehlaw miòhalo cu zei ah a rel hna lo.

³⁰Hmaipanh nih mi a lawmhter, thawngòha nih mi a lawmhter chinchin.

³¹Chimhhrinnak a òhami kha òha tein a ruatmi cu mifim hna bu chungah khan aa tel ve lai.

³²Chimhhrinnak zei ah na rel lo ahcun nangmah le nangmah harnak naa pe, sihmanhsehlaw chimhhrinnak kha na cohlan duh ahcun na fim chin lai.

³³BAWIPA òih hi fimnak ding caah cawnpiaknak a si, upatnak phaknak lam cu toidornak a si.