Read Hakha Chin PHUNGTHLUKBIA 16 Bible Online

PHUNGTHLUKBIA 16 - Hakha Chin bible

PHUNGTHLUKBIA 16

¹Minung nih khua cu an khan ko lai, sihmanhsehlaw a donghnak bia a ngeitu cu Pathian a si.

²Na tuahmi cu a òha dih in na ruah ko lai, sihmanhsehlaw BAWIPA nih naa tinhnak na lungthin cu a hngalh dih.

³Na tuahmi vialte cu BAWIPA sinah pe law Na khuakhannak cu a tling kho lai.

⁴BAWIPA nih zeizong vialte hi anmah ca i tinh ciomi caah khan a ser hna, miòhalo hna hmanh hi, harnak ni caah a ser hna.

⁵Miruamkai cu BAWIPA caah fihnung an si, hnadai tein um ko, dantatnak hmu loin an um lai lo.

⁶Pathian leiah felte le zumhawktlak tein um ko law na sualnak cu an ngaihthiam lai. Cun BAWIPA kha òih law òhat lonak nih an tlunhnawh lai lo.

⁷Mi cu a umtuning kha BAWIPA duhning a si ahcun, a ral hna hmanh kha amah he i rem tein a umter hna.

⁸Dinlonak in hmuhmi thil tampi nakcun dinnak in hmuhmi tlawmte a òha deuh.

⁹Minung nih hin a khualtlawnnak ding khua kha a khan, sihmanhsehlaw a kephau a hruaitu cu BAWIPA a si.

¹⁰Pathian chimhmi biakhiahnak cu siangpahrang hmur ah cun a um, biaceih tikah a kaa nih sualnak a tuah lo.

¹¹A dikmi tahnak le khing hna cu BAWIPA duhmi an si, zal chung i a ummi cuaithlainak lung vialte hna zong amah nih a tuahmi an si.

¹²Siangpahrang caah cun òhat lonak tuah hi fihnung a si, zeicahtiah bawi òhutdan cu dinnak in fehter a si.

¹³Bia hmaan chim cu siangpahrang lawmhmi a si, cun biatak a chimmi cu a dawt hna.

¹⁴Mifim nih cun siangpahrang cu a lung lawmhter aa zuam, siangpahrang cu a thin a hun ahcun pakhatkhat thah an si sual lai.

¹⁵Siangpahrang hmai ceunak chungah nunnak a um, cun a zaangfahnak cu òhal ruah a hun ratpitu khuadawm bantuk a si.

¹⁶Fimnak ngeih hi sui nakin a òha deuh, hngalhthiamnak ngeih hi ngun nakin thim deuh awk a si.

¹⁷Miding hna nih cun òhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.

¹⁸Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

¹⁹Misifak hna he toidornak lungthin in um cu, miporhlaw hna he hranchaw i òhenh nakin a òha deuh.

²⁰An in cawnpiakmi kha òha tein ruat law khuaawng na tong lai, BAWIPA kha i bochan law na lung aa lawm lai.

²¹A fim i nutling patling lungthin a ngeimi cu, thil a thleidang khomi ti a si i a awka a thlum deuh paoh ah mi a lem khawh chin hna.

²²Fimnak cu a ngeitu caah cun nunnak cerhti a si, sihmanhsehlaw mihrut cu a hruhnak nih dantatnak a inter.

²³Mifim nih cun bia a chim hlanah a ruah hmasa, cucaah a chimmi cu hmual a ngei.

²⁴Biathlum cu khuaihliti bantuk a si, nunnak caah a thlum i pum caah damnak a si.

²⁵Na ruahnak i lam ding a si na timi kha thihnak lei kalpitu lam a si ko hnga.

²⁶Rianòuantu cu a rawl duhnak nih khan fak deuh in a òuanter, zeicahtiah a rawlòamnak kha daihter a duh.

²⁷Mizeiruaramlo nih, congoihnak kha a vahpi, a bia cu kanghtu mei bantuk a si.

²⁸Mi lungthin òhalo nih rem lonak kha an karhter i Mi dupdap nih hawikom òha kha an òhen hna.

²⁹Zaang-ennak a hmangmi nih a innpa kha a hlen i A òhalo lam ah khan a kalpi.

³⁰A mit curcudup in aa aumi cu a lungthin chung i dawtnak a ngei lomi a si, a hmur aa iapmi nih cun thil òhalo kha a tlunter tawn.

³¹Òuakpar hi sunparnak bawiluchin a si, nun a dingmi nih an hmuh.

³²Thinhun leiah a khul a nuarmi cu thazang a òhawngmi nakin a òha deuh. A lungthin aa uk khomi cu khuapi a latu nakin a òha deuh.

³³Camcawhfung cu phei cungah hrilh a si tawn, sihmanhsehlaw biakhiahnak taktak cu BAWIPA sin lawnglawng in a si.