Read Hakha Chin PHUNGTHLUKBIA 17 Bible Online

PHUNGTHLUKBIA 17 - Hakha Chin bible

PHUNGTHLUKBIA 17

¹I sik lengmang bu i puai tuahnak inn i um nakcun daite i buhòhing pei khat ei a òha deuh.

²A fimmi sal nih a bawipa fapa, zeiruaramlo a simi kha a uk lai i unau pakhat ve bantukin ro kha a co ve lai.

³Sui le ngun cu mei in hneksak an si, minung lung cu BAWIPA nih a hneksak.

⁴Mihrokhrawl cu hrokhrawl bia lawng kha a thlingthla, lihchim hmang nih cun thangchiatnak bia lawng kha a ngai.

⁵Misifak nihsawh cu a Sertu nehsawh kha a si, Mi nih van chiat an ton tikah a di a riammi cu dantat loin a luat lai lo.

⁶Tu le fa hi tar hna bawiluchin an si, Fapa hna an sunparnak cu an pale hi an si.

⁷Bia òha chim le mihrut an i tlak lo, bia lih chim le bawi an i tlak lo chinchin.

⁸Mi a cheu nih, nawhthuh nih cun camh bantukin rian a òuan khawh, tiah an ruah, zeipaoh a tuah khawh tiah an zumh.

⁹Midang sualnak a thup khotu nih kha pa dawtnak kha a hmuh lai. Sihmanhsehlaw kha thilte kha hlasak in a sa lengmangmi nih cun hawikom he òhennak a ser.

¹⁰Mihrut voi za khat tuk nakin, mifim voi khat chimhhrin cu thuk deuh a pil.

¹¹Miòhalo nih cun ralthawhnak lawng kha an kawl, annih cu a puarmi lamkaltu kha an thlahhnawh hna lai.

¹²Mihrut a hruh lio i ton nakcun a fa chuhmi vompi ton a òha deuh.

¹³Mi nih òhatnak cu òhat lonak in a lehrulh ahcun, òhat lonak cu a inn chungin aa òhial bal lai lo.

¹⁴Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

¹⁵Miòhalo thiamcoh le miding sualphawt hi, an pahnih in BAWIPA mithmuh ah fihnung an si veve.

¹⁶Mihrut caah cun tangka hi zei san dah a tlaih? Fimnak a ngeih lo ahcun fimnak cu a cawk khawh lai maw?

¹⁷Hawikom nih cun zei tik paoh ah dawt zungzal a si, u le nau cu harnak i hrawm awkah hrin kan si.

¹⁸Midang caah aamah aa khaang i biakamnak caah aa pemi cu mihrut a si.

¹⁹Remlonak a duhmi nih cun sualnak a duh, a inn kulhnak innka sang piin a sermi nih cun rawhralnak kha a sawm ko hna.

²⁰Ruahnak kawi a ngeimi cu khuaawng an pem lo, lei òhalo a ngeimi cu vanchiatnak chungah an tla tawn.

²¹Fapa hrut cu a pa caah ngaihchiatnak a si, a pa cu lunglawmhnak a ngei lo.

²²Lungthin lawmh hi si òha a si, sihmanhsehlaw lungthin ngaihchia nih ruh kha a roter.

²³Biaceihtu òhalo nih ziknawh an lak tawn i dinnak in bia an ceih lo.

²⁴Lungthin a tlamtling cangmi nih cun thil òha tuah awk kha an hngalh, sihmanhsehlaw a tlam a tling lomi nih cun an lungthin an thlek kho lo.

²⁵Fapa hrut nih cun a pa kha awlokchong in a tuah i a hringtu a nu caah lungretheihnak a si.

²⁶Miding mi dantat cu a òha lo, miòha mi hna fung in tuk cu palh a si.

²⁷Amah aa zum vemi nih cun bia tampi a chim lo, dai tein a ummi cu thil thuk piin a hmu khomi an si.

²⁸Mihrut hmanh hi daite in a um ahcun mifim ah rel a si, a hmur aa cip peng ahcun mifim ah ruah a si.