Read Hakha Chin PHUNGTHLUKBIA 18 Bible Online

PHUNGTHLUKBIA 18 - Hakha Chin bible

PHUNGTHLUKBIA 18

¹Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

²Mihrut nih cun a hngalh set le hngalh set lo kha biapi in a ruat lo, zeitluk in dah ka fim ti langhter lawng kha a duh.

³Òhat lonak le ningzahnak cu a kal òimi an si, upatnak kha na thlau ahcun nihsawhnak kha na hmuh ko lai.

⁴Minung holh hi fimnak hram a si kho, rili bantukin a thuk kho i a luang lengmangmi tiva bantukin a thar lengmang kho.

⁵Miòhalo sin i duhdanh ngeih cu a òha lo, miding mi biading coh lo zong a òha lo.

⁶Mihrut mi hmur nih cun siknak a chuahpi, a kaa nih fung tuknak a sawm.

⁷Mihrut cu a kaa kha amah rawhnak a si, a hmur kha amah lila caah rap a si.

⁸Mi congoihnak bia chim cu a thlummi changreu bantukin a thaw i pum chung chungchin ah khan kan lemh riahmah ko hna.

⁹Mahle rian ah a daithlangmi cu hrawkhraltu unau a si.

¹⁰BAWIPA min cu a fekmi innsang a si, miding cu khika ah khan an va tli i an him.

¹¹Mirum mi nih a chawva cu, a fekmi khua le a sangmi ralhau a si tiah a ruah.

¹²Harnak phak hlanah cun mi cu an lung a puam tawn, sihmanhsehlaw upatnak phaknak lam cu toidornak a si.

¹³Bia na leh hlanah ngai hmasa, cu ti na tuah lo ahcun na hruh a si hleiah bia na lehmipa zei i na rel lo zong a si.

¹⁴Mi cu lungthin òhawng nih a zawt lio ah thazang a pek khawh, sihmanhsehlaw lungthin cu hma a in ahcun, aho nih dah a tuar khawh lai?

¹⁵Ruahnak a fimmi nih cun hngalhnak kha an i lak chin lengmang i mifim mi nih an hna in hngalhnak kha an kawl.

¹⁶Laksawng nih laksawng petu caah khan lam a hun i mingan hna sinah khan a phakpi.

¹⁷Biaceihnak zung ah bia a chim hmasami paoh cu a hmaan a lo zungzal, sihmanhsehlaw cu a lawhnak cu a dang a rat ve i amah kha a vun hlathlai tiang lawng khi a si tawn.

¹⁸Pa òhawng pahnih cu biaceihnak zung ah bia an i al ahcun, camcawhfung lawng nih an bia kha a khiah khawh.

¹⁹U le nau i bawmh hi a fekmi khua bantuk a si, sihmanhsehlaw i sik cu ralhau kharkanh bantuk a si.

²⁰Mi cu a kaa chungin a chuakmi bia theitlai in a khim tawn, a hmur in a chuakmi in cawmnak kha a hmuh.

²¹Lei nih hin thah khawhnak le nunh khawhnak òhawnnak a ngei, cucaah na bia chimmi theitlai cu na co a herh lai.

²²Nupi aa hmuhmi cu thil òha aa hmuhmi a si, BAWIPA cu na cungah a òha ti kha a langhter.

²³Misifak nih cun bia an chim ah a nawl tein an nawl tawn hna, sihmanhsehlaw mirum nih cun an leh hna tikah a hrilh in an hrilh.

²⁴Hawikom a cheu khat cu pakpalawng biachim lawngah an òhahnem, sihmanhsehlaw unau nakin a fek deuhmi hawikom zong an um ve.