Read Hakha Chin PHUNGTHLUKBIA 2 Bible Online

PHUNGTHLUKBIA 2 - Hakha Chin bible

PHUNGTHLUKBIA 2

¹Ka fapa ka bia kha naa lak hna i ka nawlbia kha na lung chungah naa khon hna i

²Fimnak leiah na hna na chit i hngalhthiamnak leiah na lungthin na pek ahcun,

³Ahmaan le hmaanlo thleidan khawhnak lungthin kha na auh i hngalhthiamnak kha na kawh ahcun,

⁴Ngun bantukin na kawl i thuhmi ro bantukin na kawl ahcun,

⁵khi tikah BAWIPA òihnak cu na hngalh lai i Pathian hngalhnak cu na hmuh lai.

⁶Zeicahtiah BAWIPA nih cun fimnak kha a pek hna i hngalhnak le hngalhthiamnak kha a cawnpiak hna.

⁷Miding mi hna caah fimnak òha kha a khon i ding tein a kalmi hna caah amah cu phaw a si i

⁸Biading lam kha a ven i a mithiang mi hna lam kha a congh.

⁹Khi tikah dinnak le biading cu na hngalh lai i miòha mi hna lam kha na zulh lai;

¹⁰Zeicahtiah fimnak cu na lung chungah a lut lai i na lungthin caah hngalhnak cu a nuammi a si lai.

¹¹Fimnak nih an ven lai, hngalhthiamnak nih an zohkhenh lai;

¹²Miòhalo hna lam chung khan an khamh lai i holh òhalo hmangmi hna sin khan an luatter lai.

¹³Annih cu muihnak lam zulh awkah dinnak lam a hlawt i

¹⁴Òhat lonak tuah ah aa lawm i hlenthawinak ah cun aa nuammi an si;

¹⁵Annih lam cu a kawi i an thil tining ah midepde an si.

¹⁶Nu zuangzam sinin an khamh lai i nu ralòha, bia thlumthlum a hmang i

¹⁷A no lio caan a hawikom kha a hlawt i a Pathian biakamnak a philhmi sin khan an khamh lai.

¹⁸Zeicahtiah a lam cu thihnak leiah a vung kal i mithi mi hna ram leiah khan a vung lan.

¹⁹A sin i a va kalmi paoh cu ahohmanh an kir ti lo, nunnak lam zong an hmu òhan ti lo.

²⁰Cucaah miòha mi hna lam cu zul law miding mi hna lam cu i tlaih tuah.

²¹Zeicahtiah miding mi hna cu hi ram chungah hin khua an sa kho lai i ding tein khua a sami hna cu hi ram chungah hin an um lai.

²²Sihmanhsehlaw miòhalo hna cu ram chung khan hlonh an si lai i mi rawi hmangmi hna cu ram chung cun phawi an si lai.