Read Hakha Chin PHUNGTHLUKBIA 20 Bible Online

PHUNGTHLUKBIA 20 - Hakha Chin bible

PHUNGTHLUKBIA 20

¹Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

²A thin a hungmi siangpahrang cu a ngur hluahmahmi chiandeih bantukin òih tuah, amah a thin hunter cu mah le mah i thah a si ko;

³Mihrut aho paoh nih siknak kha a thawhter khawh, sihmanhsehlaw siknak hrial cu upat awk tlak thil a si.

⁴Mi thathu nih cun leithuan caan ah lei a thuang lo, rawlòuan caan a phak tikah a kawl i zeihmanh a hmu lo.

⁵Minung nih a lung chung i a ngeihmi ruahnak cu a thukmi tikhor ti bantuk a si, sihmanhsehlaw thuk piin a hmu khomi nih cun a than khawh lai.

⁶Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

⁷Mipa cu a nunning kha a din i a òhat ahcun, a hnu i a tefa hna cu thluachuakmi an si.

⁸Biaceihnak òhutdan cungah a òhumi siangpahrang nih cun òhat lonak vialte kha a thleidan khawh dih.

⁹Aho tal nih, “Ka lung cu ka thianter i ka sualnak in ka thiang cang,” an ti kho lai maw?

¹⁰Cuai deu le rel deu hman hi BAWIPA caah fihnung an si.

¹¹Ngakchia hmanh nih a tuahmi a òhat le a din kha a tuahnak in amah lila nih a langhter ko.

¹²Theihnak hna hna le hmuhnak mit hna hi BAWIPA sermi an si dih.

¹³Ih hi duh hlah, sifahnak na phan sual lai, na mit i au law rawl tampi na ngei ko lai.

¹⁴Thil cawtu nih cun a man a fak tuk, a ti zungzal, sihmanhsehlaw a kal hnuah cun ka det khawh tiah aa porhlaw òhan òung.

¹⁵Sui tampi a um ko, a man a tammi lung zong tampi an um ko, sihmanhsehlaw fimnak bia cu a tlawmte i a man a sung cikmi lungvar a si.

¹⁶Hngalh lomipa leiba caah amah le amah aamahkhan tiangin a hrutmi cu, a thilri kha aamahkhannak ah cun tlaih a si lai.

¹⁷Lihchim in hmuhmi rawl cu a thlum, sihmanhsehlaw luklak ah a kaa ah lungtekem bantuk an si.

¹⁸Lungthin i cheuhnak in khuakhanmi kha a hmun, i timh ciammam loin raltuknak hmun chungah lut cutmat hlah.

¹⁹Mi hmursau nih biathli kha a phuan tawn, Cucaah a holh tukmi cu kom hlah.

²⁰Ahohmanh nih a nu siseh a pa siseh a vawlhpamh hna ahcun, Muihnak a rat tikah a mei-inn kha a mit lai.

²¹Khulrang tuk in hmuhmi chawva cu, a donghnak ah thlua a chuak lai lo.

²²“Òhat lonak cu òhat lonak in ka rulh lai,” tiah va ti hlah, BAWIPA kha va hngak law, amah nih an bawmh lai

²³Cuai deu cu BAWIPA caah fihnung a si, tahnak deu cu a òha lo.

²⁴Minung lam a kan hruaitu cu BAWIPA a si, zeitindah mi nih a lam cu a hngalh khawh lai?

²⁵Pathian sin pek awk laksawng naa kam hlanah òha tein ruat hmasa, a hnuah naa ngaichih sual lai.

²⁶Siangpahrang fim nih cun miòhalo kha a hngalh hna i zaangfahnak ngei loin dan a tat hna.

²⁷BAWIPA nih ruahnak le a chia le a òha thleidan khawhnak lungthin a kan pek. Kanmah sinin kan i thup kho lo.

²⁸Zumhawktlak sinak le zumhnak òha nih siangpahrang cu a kilven i a bawi òhutdan cu dinnak nih a dirter.

²⁹Tlangval hna an sunparnak cu an thazang hi a si, tar hna an i dawhnak cu an sam par hi a si.

³⁰A zei maw caan ahcun, kan ziaza i thlen awkah harnak ton kha a herh tawn.