Read Hakha Chin PHUNGTHLUKBIA 23 Bible Online

PHUNGTHLUKBIA 23 - Hakha Chin bible

PHUNGTHLUKBIA 23

¹Uktu bawi hna he rawl ei ah na òhut tikah, aho an si kha òha tein va ruat.

²Cun pawkaumi na si ahcun na or kha i sum.

³An in pekmi rawl thawthaw kha hakkau tuk in ei hna hlah, Zeicahtiah hlen an in timh a si kho ko.

⁴Rumnak hmuh awkah i hre tuk hlah, ngol awkah fimnak a za ngei tuah.

⁵Na tangka cu mitòhep ah an lo kho ko, Thla kha i serh duak in mupi bangin an zuang kho ko.

⁶A khiar mipa zanriah cu va ei hlah, a rawl thawthaw zong kha na mit va thi hna hlah;

⁷“Ei tuah hen, ding tuah hen,” an ti lai, Sihmanhsehlaw cucu a chim duh taktakmi a si lo.

⁸Amah cu na hrom ah sam bantuk ah a cang lai i Na eimi vialte kha na luak dih lai i na faknak bia vialte cu santlailo ah a cang lai.

⁹Mihrut theihhngan ah cun bia va chim len hlah, Fimnak bia na chimmi cu zeihmanh ah a rel òung lai lo.

¹⁰Hlanlio ramri tung kha òhial hna hlah, Ngakòah kha an lo chut hna hlah;

¹¹Zeicahtiah annih nih a òhawngmi hupphengtu an ngei i Amah nih cun nangmah kha taza an in cuai tikah an bia a chimpiak hna lai.

¹²Na saya nih an cawnpiakmi kha òha tein ngai law Fimnak kha naa lak khawh chungin i lak tuah.

¹³Ngakchia chimhhrin cu i sum hlah, fung in na tuk ahcun a thi lai lo,

¹⁴Bia ngaingai ti ahcun, Sheol chungin na khamh a si lai.

¹⁵Ka fapa mifim na si ahcun keimah zong ka lung aa lawm lai.

¹⁶Fimnak bia na chim kha ka theih tikah keimah zong ka rak i lawm ngaingai lai.

¹⁷Misual kha tluk i zuam hna hlah, nifate in BAWIPA a òihmi bel kha hngar ko hna;

¹⁸Cu bantukin na tuah ahcun hmailei ah ceunak na hmuh lai i na nun khua zong a sau lai.

¹⁹Ka fapa, ngai law fim tuah, ahmaanmi lam zulh awk kha i sehchih tuah.

²⁰Zuri hna he i kom hlah, sarammi hna he zong i kom hlah;

²¹Zeicahtiah zurimi le sarammi cu sifahnak an phan lai, ei le ih lawng na rianh ahcun puanchia he na vak tuan ko lai.

²²Nangmah an hringtu na pa kha a bia va ngai, na nu kha a tar tikah va serhsat hlah.

²³Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

²⁴Miòha mi hna an pa cu aa lawm ngaingai lai; fapa fim a hringmi pa cu a fapa hna cungah khan aa lawm lai.

²⁵Na nu le na pa cu lawmhter hna, nangmah an hringtu cu lawm tein um seh.

²⁶Ka fapa, ka bia cu i chingchiah hna law ka nunning hi i zohchunh tuah.

²⁷Hlawhhlangnu cu khor thuk a si, ralòha nu cu a bimi tikhor a si.

²⁸Mifir bangin mi a bawh hna i a va kha pa pakhat hnu pakhat sinah a rawi lengmang.

²⁹Ahodah chimpit vansang in a um tawn? Ahodah a ngaih a chia tawn? Ahodah mi he aa si tawn? Ahodah bia a ngei tawn? Ahodah zei ruang lo ah hma a ing tawn? Ahodah mit sen remrum in a um tawn?

³⁰Zu a camhmi, rim thar he cawhmi zureu a hneksak lengmangmi kha an si.

³¹Hrai chungah sen kirker tein a um i tleu dildel tein a lang i vun dolh ah nal ngaiin lanh dawh a simi zu khi va zoh hlah.

³²A donghnak ah cun rul bantukin mi a cu i ping-er sivai bantukin mi a henh.

³³Khi tikah na mit nih thil khuaruahhar a hmuh hna lai i. Fiang tein khua na ruat kho lai lo i aa ningcang loin bia na chim lai.

³⁴Rili ah lawngin a kal i a rimi bantukin na um lai i aa hnin lengmangmi lawng puanzar ah khin i awk law cu ko cu na lo lai.

³⁵“An ka tuk an ka den i a si òheo lai, sihmanhsehlaw zeihmanh ka hngal lo, Zeicahdah kaa hlauh khawh lo ee? Din òhan ka herh rih i a si ko hi ta,” na ti lai.