Read Hakha Chin PHUNGTHLUKBIA 24 Bible Online

PHUNGTHLUKBIA 24 - Hakha Chin bible

PHUNGTHLUKBIA 24

¹Miòhalo hna tluk kha i zuam hlah, annih cu hawikom i i ser zong kha i zuam hlah.

²Zeicahtiah annih an ruahmi cu zaang-ennak lawng kha a si i an kaa an an paoh ahcun pakhatkhat cungah harnak an tlunter zungzal.

³Fimnak nih inn cu a sak, hngalhthiamnak nih a fehter;

⁴Hngalhnak nih a khaan vialte hna cu a sungmi le aa dawhmi thilri in a khahter.

⁵Mifim cu miòhawng nakin a òhawng deuh, hngalhnak a ngeimi cu thazang a ngeimi nakin a òhawng deuh;

⁶Zeicahtiah ral cu òha tein khuakhannak thawngin tei a si i saupi timhtuahnak theitlai cu teinak a si.

⁷Fimnak hi mihrut caah cun a sang tuk i a hngalh khawhmi a si lo, thil pipa ceih tikah zeihmanh chim awk a hngal lo.

⁸Òhatlo tuahnak khua a khang lengmangtu cu a min ah Harnak Sertu ti a si lai,

⁹Mihrut nih khua an khanmi cu sualnak kha a si tawn i mi nihsawh a hmangmi cu huatnak kha an tong zungzal.

¹⁰Harnak caan i na der a si ahcun na der taktak a si.

¹¹Thah awk i an kalpi liomi hna cu va chanh hna, Thah awk i an hnuhchih lenmi hna cu va khamh hna.

¹²Naa thawh i, “Hi pa hi ka rak hngalh bal òung lo,” na ti ahcun, na lungthin a hngaltu Pathian nih khan an chingchiah lai. Nangmah an zohkhenhtu Pathian nih a hngalh kha hngal ko law mi cu an tuahning khan a cham cio ko hna lai.

¹³Ka fapa, khuaihliti cu ei tuah, a thaw; a thlar chungin a tlami khuaihliti cu na lei cungah a thlum bangin

¹⁴Fimnak le hngalhnak cu na nunnak caah an òha. cucu na ngeih hna ahcun hmailei ah ceunak na hmu lai i na nunkhua a sau lai.

¹⁵Miòha mi cu a inn ah miòhalo nih an bawh bangin va bawh hlah, a lo zong kha va chut hlah;

¹⁶Zeicahtiah miòha mi cu voi sarih tiang tlu hmanh seh law a tho òhan zau lai, sihmanhsehlaw miòhalo cu vanchiatnak nih a hrawh hna.

¹⁷Na ral kha a tluk tikah i lawm hlah, a rilh tikah na di riam hlah,

¹⁸Cu bantukin na um ahcun BAWIPA nih a hngalh lai i na cungah a lung aa lawm lai lo i amah kha dantatnak in a luatter sual lai.

¹⁹Òhat lonak tuahtu hna kha zuam hna hlah, miòhalo kha tluk i tim hna hlah;

²⁰Zeicahtiah miòhalo cu i ruahchanmi hmailei caan an ngei lo i an meiinn kha hmih an si lai.

²¹Ka fapa, BAWIPA le siangpahrang cu òih hna, anmah a dohtu hna he khan i kom hlah;

²²Zeicahtiah cu bantuk mi hna cu chikkhatte ah an rawk kho i Annih nih zei bantuk rawhnak dah an chuahter lai kha aho nih dah a hngalh lai.

²³Mah hihi mifim mi hna bia a dang an si rih: biaceih i duhdanh ngeih cu a òha lo,

²⁴A sual komi, a sual lo, tiah a titu biaceihtu bawi cu miphun zakip nih chiat an serh i mi vialte nih an huat.

²⁵Sihmanhsehlaw miòhalo sual a phawtu biaceihtu bawi hna cu khua awng an tong lai i an cungah thluachuahnak òha a um lai.

²⁶Lihchim lo tein bia i leh cu hawikom òha taktak sinak langhnak a si.

²⁷Lenglei thil vialte kha òha tein tim dih hmasa hna, Cun na lo kha sersiam hna law cu hnuah cun nupi òhit le innlo khuasak tintuk cu a si lai.

²⁸Zei ruang setsai lo ah na innpa cungah tehte va si hlah, Amah kong ah thil a ping i a kalter khotu ding bia zong va chim hlah.

²⁹“Ka cungah a tuah bantukin ka tuah ve lai, a tuahmi kha ka lehrulh ve lai,” ti hlah.

³⁰Mizaangthupa lo kha ka tan i ruahnak ruahnak a ngei lomipa mitsur dum kha ka pal,

³¹Zohhmanh, hling nih a zual dih i vawlei cu thahau nih a khuh dih, a kulhnak lung hau cu an cim dih.

³²Cun òha tein cucu ka zoh i khua ka ruat i hi cawnpiaknak hi kaa hmuh:

³³Cu cawnpiaknak kaa hmuhmi cu hihi a si: “Tlawm tein it ko rih ning, tlawm tein i hngilh ko rih ning, tlawm tein ka kut cu i din ko rih seh ti chungah hin,

³⁴Sifahnak cu mifir bantuk le herhbaunak cu hriam aa putmi miramhtu bangin na cungah a phan lai.”