Read Hakha Chin PHUNGTHLUKBIA 25 Bible Online

PHUNGTHLUKBIA 25 - Hakha Chin bible

PHUNGTHLUKBIA 25

¹Hi zong hi Solomon phungthluk bia, Judah siangpahrang Hezekiah mi hna nih an òial chinmi cu an si.

²Pathian nih thil a thuh hi a sunparnak a si; Sihmanhsehlaw siangpahrang hna sunparnak tu cu thil fianter hi a si.

³San leiah van, thuh leiah rili, cu bantuk cun siangpahrang lungthin cu purh khawh lo a si.

⁴Ngun kha a ek hlonh law cu tikah zungthiam nih thil dawh ah a ser lai;

⁵Siangpahrang hmaika in miòhalo cu òhial hna u law a bawiòhutdan cu dinnak in a fek lai.

⁶Siangpahrang hmaika ah vaa hmanh len hlah, Mi ngan hna sin zongah va òhu hlah;

⁷Zeicahtiah “Hika ah hin hung kai,” ti cu “Nangmah nakin a ngan deuhmi kha òhutnak kian tuah,” ti nakin a òha deuh.

⁸Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

⁹Na innpa he nan ruahnak aa dan ahcun cucu nanmah pahnih i ceih hmasa u, Sihmanhsehlaw midang biathli bel kha phuang hlah;

¹⁰Na phuan ahcun a theih tikah taza an cuai lai i Naa chuahsualnak kha let òhan khawh a si ti lai lo.

¹¹A caan hmaante ah chimmi bia fang bia khat cu ngun bawm chung i sui theitlai bantuk a si.

¹²Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

¹³Zumh awk tlak a simi lamkaltu cu, a thlahtu hna caah, facang òuan caan i a kikmi hawhra bantuk a si, A bawile lungthin kha a hrimhter.

¹⁴Laksawng kan pek lai a ti lengmang i a pe taktak òung lomi cu Ruahti pawi lo khuadawm le thli bantuk a si.

¹⁵Thinfualnak in uktu bawi cu lem khawh a si lai, Awka nem nih ruh[1] hmanh a khiah khawh.

¹⁶Khuaihliti kha tam tuk in ei hlah, na luak sual lai.

¹⁷Na innpa inn ah leng tuk hlah, na nor lai i an huat sual lai.

¹⁸A hawikom cungah a hmaan lomi tehte a simi cu thingtan le vainam le a harmi cantiang bantuk a si.

¹⁹Harnak caan i zumhtlak lomi zumh cu, ha òhalo in rawl khai bantuk le a fakmi ke in kal i zuam bantuk a si.

²⁰Ngaih a chiami caah cun hlasak thiam bik hna hmanh khi Khuasik ni i puan i phoih bantuk le hma i a thormi thuh bantuk a si.

²¹Na ral kha a rawl a òam ahcun ei awk rawl va pe, A ti a hal ahcun din awk ti va pe;

²²Cu ti na tuah ahcun a lu cungah meiòil kha na pumh hna a si lai i BAWIPA nih nangmah cu an rulh lai.

²³Chaklei thli nih ruah a ratpi, congoihnak nih thinhunnak a chuahpi.

²⁴Mi sik duh nupi he innpi i hrawm nakcun, Inncung a ken ken khatte i um a òha deuh.

²⁵Ram hla piin theihmi thawngòha cu, na ti a hal, na dang a car i tikik na vun din bantuk khi a si.

²⁶Miòhalo mi lam a piantu miding cu, a nawimi tikhor bantuk, a thurmi tiput bantuk a si.

²⁷Khuaihliti tam tuk ei cu a òha lo, cu bantukin mi sinin thangòhatnak tam tuk hmuh i timh cu thilrit a si.

²⁸A thin aa sum kho lomi cu, Baohmi khua, kulhnak vampang a ngei ti lomi bantuk a si.