Read Hakha Chin PHUNGTHLUKBIA 26 Bible Online

PHUNGTHLUKBIA 26 - Hakha Chin bible

PHUNGTHLUKBIA 26

¹Òhal caan i hawhra bantuk le rawlòuan caan i ruah bantukin, upatnak cu mihrut caah cun aa tlak lo.

²Hram ngei loin chimmi chiatserhnak cu, aa chawk lengmangmi pithlung bantuk le a zuang lengmangmi vanva bantuk a si, chiatserhmi kha a futhnawh kho lo.

³Tuknak fung cu rang caah a si, chak cu laa caah a si, fungfek cu mihrut keng caah a si.

⁴Mihrut cu a hruhning in let hlah, amah bantuk na si ve sual lai.

⁵Mihrut cu a hruhnak nih hmuh awkah aa tlakning in let tuah, cu ti a si lo ahcun, ka fim tiah aa ruat sual lai.

⁶Mihrut kha lamkal a fialtu cu amah ke aa tanmi bantuk a si, harnak kha aa sawm a si ko.

⁷Phungthluk bia cu mihrut kaa chungah cun, kebeimi ke aa thlai sawhsawh bantukin aa thlai sawhsawh ko.

⁸Mihrut kha upatnak pek cu, chai i lungpum tete òem chih bantuk khi a si ko.

⁹Mihrut nih phungthluk bia a vun lak i a chim ve cu, Zuri nih a kut i a chuntu hling coih aa zuam bantuk khi a si.

¹⁰Mihrut siseh, zuri siseh, rianòuan ah aa sawmmi cu, A rami paoh a rak kap tawntu thalkah thiam bantuk a si.

¹¹A hruhnak a nolh òhan lengmangmi mihrut cu, A luak a kirhnawh òhantu uico bantuk a si.

¹²Amah aa hmuhnak ah ka fim aa timi nakcun, mihrut caah ruahchannak a um deuh.

¹³Mithathu cu zeicahdah a inn in chuah a duh lo? Zeidah a òihmi an si? Chiandeih an si maw?

¹⁴Innka nih a kapza ah aa mer lengmang bantukin mithathu zong a ihkhun cungah aa let lengmang ve.

¹⁵Mithathu nih cun a kut kha kheng chungah a hnim, a kaa i hun i tuh zong kha a zuam lo.

¹⁶Fim tein bia lehnak a chim khomi minung pasarih nakin, Mithathu cu amah aa ruahnak ahcun a fim deuh.

¹⁷Aa thlak ve awk a si lomi siknak ah aa thlakmi cu a kal liomi uico a hnakhaw in a tlaimi bantuk a si.

¹⁸Mi kha a hleng i, “Kan capo ko hen cu,” a timi cu, mei alh tom le thal le thihnak hriamnam hna he lente aa celhmi mimolh bantuk a si.

²⁰Thing a um lo ahcun mei cu a mit, a thli tein a chim depmaptu um lonak hmun ah cun siknak a dai.

²¹Meihol cu meiòil a vaamtertu le thing cu mei a nuntertu a si bantukin, Hnahnawhnak chuahtertu cu rem lonak mei kautu a si.

²²Din tein bia a chim depmaptu bia cu rawl thaw bantuk a si, pum chung chungchin ah khan a lut kho.

²³Hmurka thlum i lungthin òha òung lo cu, tlak-um cung i nalhmi sinal bantuk a si.

²⁴Na ral nih cun a kaa cun na thangòhatnak a chim ko lai. sihmanhsehlaw a lung chung cun hlennak aa pawi.

²⁵Cu pa nih cun, òha ngaiin bia a chim tikah zum hlah, zeicahtiah a lung chungah cun fihnungmi thil pasarih an um.

²⁶A lung chung i huatnak a ummi cu hlennak in a thup lai nain a òhat lonak cu zapi pumhnak ah a lang lai.

²⁷Midang tlaknak caah khor a comi cu cuka ah cun amah a tla lai. Midang nenhnak caah lung a hriltu cu lung nih cun amah cu a nenh lai.

²⁸Lihchim hmangmi lei nih cun a sual lomi kha a sual a lawhter hna, Nalbia nih cun rawhralnak lawng kha a chuahpi.