Read Hakha Chin PHUNGTHLUKBIA 27 Bible Online

PHUNGTHLUKBIA 27 - Hakha Chin bible

PHUNGTHLUKBIA 27

¹Thaizing kong kha i porhlaw hlah, cu ni nih zei a chuahpi lai kha na hngal lo.

²Nangmah kaa nih si loin midang tu nih in thangòhat deuh hna seh, nangmah hmur nih si loin khual tu nih in thangòhat deuh hna seh.

³Lung hi a rit i thetse zong hi a khing a rit ko, sihmanhsehlaw mihrut nih hnahnawhnak an chuahpimi cu cu hna pahnih nakcun a rit deuh.

⁴Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

⁵Thuhmi dawtnak nakin lenglang sik a òha deuh.

⁶Kan hawikom nih cun an kan hliam sual hmanh ah kan ca i òhatnak an duh ruangah a si, sihmanhsehlaw ral nih an kan hnamh cu leirawi duh ah a si.

⁷A vuai cangmi nih cun khuaihliti kha a fih, sihmanhsehlaw a rawl a òammi caah cun a kha mi thil hmanh kha an thlum dih.

⁸A inn in a tlaumipa cu a bu in a tlaumi va bantuk a si.

⁹Chiti le zihmui nih lung an lawmhter, sihmanhsehlaw harnak nih lungthin kha a cheu a hmal dih tawn.

¹⁰Na hawikom siseh, na pa hawikom siseh, hlaw hna hlah; na vanchiat ni ah na unaupa kha bawmh hal hlah, lam hlat i a ummi unau nakin lamnai i a ummi innpa nih an bawmh khawh deuh lai.

¹¹Ka fapa, fim law ka lung ka lawmhter tuah, cuticun a ka soitu kha ka leh khawh hna lai.

¹²Mifim nih cun harnak a rat kha a hmuh tikah hrial khawh aa zuam, sihmanhsehlaw mihrut nih cun a pahchih thluahmah ko i a hnuah aa ngaihchih.

¹³Mi pakhatkhat nih khual pakhatkhat caah biahrennak a tuah tikah a puan kha va tlai, cun cu puan cu hngalh lomipa ca aamahkhannak caah khan va tlai ko.

¹⁴Zingka tein na thawh i na innpa kha aw thang tuk in thluachuahnak na pek ahcun, chiatserhnak bantuk ah an relpiak sual lai.

¹⁵Ruah it ni i a tla thliahmah lengmangmi ruah le nu phunciar cu ang khat an si.

¹⁶Cu nu kham timh cu thli kham timh bantuk a si, orhlei kut in chiti hum bantuk a si.

¹⁷Thir nih thir a harter, mi zong nih midang fimnak kha a harter ve.

¹⁸Theipi kung a zohkhenhtu nih a thei a ei lai. A bawipa a kilvengtu nih upatnak a hmuh lai.

¹⁹Ti chungah hmai cu hmai in a langh bantukin, Minung cu a lungthin nih khan zei bantuk mi dah a si ti kha a langhter.

²⁰Sheol le Abaddon cu zeitikhmanh ah an vuai bal lo. Minung mit zong zeitikhmanh ah a vuai bal ve lo.

²¹Titnak um cu ngun caah a si, somei cu sui caah a si, Cu bantukin mi cu thangòhatnak a hmuhmi in hneksak a si lai.

²²Mihrut cu sum ah sumkhal in su hmanh law a hruhnak cu a thlah hlei lai lo.

²³Na tuurun an umtuning kha òha tein hngal law na cawrun kha òha tein zohkhenh hna;

²⁴Zeicahtiah rumnak hi zungzal in a hmun lo i Bawi luchin zong hi chan vialte tiangin a hmun kho lai lo.

²⁵Ram cu an hung thi i an hung lo, ramhno cu an hung corh, Cun tlang cung ram hna cu pumh an si tikah,

²⁶Tuufa nih na hnipuan ca kha an in rin lai i meheh nih lo man ca kha an in rin lai;

²⁷Cun na rawl caah a za ding le na innchungkhar hna rawl caah le na ngaknu hna caah a za ding meheh hnuk cu a um lai.