Read Hakha Chin PHUNGTHLUKBIA 28 Bible Online

PHUNGTHLUKBIA 28 - Hakha Chin bible

PHUNGTHLUKBIA 28

¹Miòhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a òha.

²Ram cu a fimmi le khuaruah a thiammi hruaitu a ngeih hna tikah saupi a dir kho, sihmanhsehlaw uktu kha atu le atu an i thlen lengmang cu ram kha a sual caah a si.

³Misifak a hremtu hna bawi cu, rawl zeihmanh a ngan lotu ruah bantuk a si.

⁴Phung a zul lomi nih cun miòhalo kha an thangòhat hna, sihmanhsehlaw phung kha a zulmi nih cun an doh hna.

⁵Miòhalo nih biading hi zeidah a si kha an hngal lo, sihmanhsehlaw BAWIPA a kawlmi hna nih cun tling tein an hngalh cikcek.

⁶Sifak te i nun i lihchim lo tein um hi lihchim i rum nakin a òha deuh.

⁷Phungbia a zulmi cu fapa fim a si, sihmanhsehlaw ei din leiah sumnak a ngei lomi hna hawikom a simi cu a pa caah ningzahnak a si.

⁸A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

⁹Phungbia kha ngai duh loin a mertakmi cu a thlacamnak hmanh kha fihnung a si.

¹⁰Miding mi kha òhat lonak lei kal awkah a lemtu cu, amah nih a cawhmi khor lila ah khan a tla lai; Lihchim lomi nih cun a òhami ro kha a hmuh lai i Sihmanhsehlaw miòhalo nih cun zeihmanh an hmu lai lo.

¹¹Mirum nih cun ka fim tiah an i ruat zungzal, sihmanhsehlaw hngalhthiamnak a ngeimi misifak nih khan anmah nakin a hngalh deuh.

¹²Miding mi nih uknak an co tikah conglawmhnak tampi a um, sihmanhsehlaw miòhalo an kai tikah mi cu an i thup dih.

¹³A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

¹⁴BAWIPA a òih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

¹⁵Uktu òhalo cu misifak hna caah, a rawl a òammi chiandeih le a ti a halmi vom bantuk a si.

¹⁶Thil ruahning a thiam lomi uktu cu mihremtu a si tawn, ai hmanh seh law dinlonak kha a huami cu a chan a sau tawn.

¹⁷Mi thisen a chuahtu cu tlaihnak luatnak caah tikhor chung hmanh ah khan a zuang lai.

¹⁸Ningcang tein khua a sami cu him tein an um lai, sihmanhsehlaw ningcang loin khua a sami cu lam khatkhat in a sung òhiamòhiam lai.

¹⁹A vawlei òha tein a thlomi cu rawl tampi a ngei lai, sihmanhsehlaw santlailo rian pakpalawng a dawi lengmangmi cu a si a fak lai.

²⁰Zumh awk tlakmi cu thluachuahnak tampi a hmu lai, sihmanhsehlaw khulrang in rum aa zuammi cu dantatnak hmu loin a um lai lo.

²¹Duhdanh ngeih hi a òha lo, sihmanhsehlaw changreu tlang khat ruangah mi nih òhat lonak kha an tuah ko lai.

²²Mikhiar nih cun khulrang in rum aa hnawh, sihmanhsehlaw herhbaunak nih a ka tlunh lai ti kha a hngal lo.

²³A lei in mi a fakmi nakin a situ nih khan hmailei ah cun duhdawtnak a hmuh deuh lai.

²⁴Nu le pa thil fir cu a poi lo a timi cu mifir taktak he zeihmanh an i dannak a um lo.

²⁵Hakkauhnak nih cun rem lonak lawng kha a chuahter ko, cucaah BAWIPA i bochan cu a òha deuh suaumau.

²⁶Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

²⁷Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

²⁸Miòhalo nih uknak an tlaih tikah mi cu an i thup dih, sihmanhsehlaw an loh tikah miding mi nih khan uknak cu an co ve.