Read Hakha Chin PHUNGTHLUKBIA 29 Bible Online

PHUNGTHLUKBIA 29 - Hakha Chin bible

PHUNGTHLUKBIA 29

¹Atu le atu chimhhrin a si ko nain a lung a òhawng rih komi cu, Damh khawh ti loin chikkhatte ah a kiak lai.

²Miding mi hna cu nawl ngeimi an si tikah mi cu an i lawm, Sihmanhsehlaw miòhalo hna kha uktu an si tikah mi cu an hrum tawn.

³Fimnak a duhmi nih a pa cu a lawmhter, Sihmanhsehlaw hlawhhlangnu a kommi nih cun a chaw kha a hlohlak tawn.

⁴Dinnak thawngin siangpahrang nih ram cu a fehter, Sihmanhsehlaw hneknak in tangka hmuhnak kha a ruah tikah a ram cu a rawk tawn.

⁵A innpa a fakmi cu a ke caah sur rap a chiahpiak a si.

⁶Miòhalo cu amah sualnak nih khan a foih, Sihmanhsehlaw miding cu an i lawm i an luat.

⁷Miòha nih cun, sifakmi hna nih zeidah an covo si awk a si ti kha a hngalh, Sihmanhsehlaw miòhalo nih cun cu bantuk zawnruahnak cu a hngal lo.

⁸Mi nihsawh hmangmi nih khua chungah mei an thawhter tawn, Sihmanhsehlaw mifim mi nih cun mi thinlinhnak kha an daihter.

⁹Mifim nih mihrut kha taza a cuai ahcun, Mihrut cu a thin lawng a hung lai i a nih lawng a chuak men lai i daihnak zeihmanh a um hlei lai lo.

¹⁰Thisen chuah a duhmi hna nih cun a sual lomi kha an huat, Sihmanhsehlaw miding mi nih cun a nunnak kha an humhakpiak.

¹¹Mihrut nih cun a thinhunnak kha a langhter, Sihmanhsehlaw mifim nih cun dai tein a um i aa sum.

¹²Uktu nih lihbia kha a ngaih ahcun, a kut toi ummi bawi vialte kha miòhalo an si lai.

¹³Misifak le anmah a hremtu hna nih khan aa khat in an ngeihmi cu hihi a si: BAWIPA nih an pahnih in mit a pek veve hna.

¹⁴Siangpahrang nih misifak hna bia zong kha ruannak in a ceih ahcun a bawi òhutdan cu zungzal in a hmun lai.

¹⁵Fungfek le chimhhrinnak nih fimnak an pek, sihmanhsehlaw ngakchia anmah duh in thlahdorhmi nih cun an nule kha ningzahnak an phorh hna.

¹⁶Miòhalo hna nawl ngeitu an si tikah sualnak a karh, sihmanhsehlaw an tluk kha miding mi hna nih cun an hmuh lai.

¹⁷Na fapa cu chimhring law hnangamnak an pek lai; na lung an lawmhter lai.

¹⁸Pathian nih a hruai lomi miphun cu ningcang loin khua an sa. Pathian nawlbia a zulmi cu lunglawmmi an si.

¹⁹Bia lawngin sinum cu nunchimh khawh a si lo, a hngal ko nain zei ah a rel lai lo.

²⁰Ruah hmasa loin bia a chim zauzaumi nakcun, mihrut caah ruahchannak a um deuh.

²¹Na sinum kha a ngakchiat lio in a duhmi paoh na pek ahcun ni khatkhat cu nangmah thil kha an chuh dih te ko lai.

²²Thin a tawimi nih rem lonak an chuahter, Thin aa sum lomi nih palhnak an tuah zungzal tawn.

²³Mi cu aa porhlawtnak nih tangah a òhumh lai, sihmanhsehlaw toi dornak lungthin a ngeimi cu upatnak a hmu lai.

²⁴Mifir hawikom a simi cu amah le amah kha a ral cu a si ko, a hmaanmi kha a chim ahcun dantatnak a hmuh lai, a chim lo ahcun Pathian nih chiat a serh lai.

²⁵Midang nih zeitindah an ka ruah hnga ti hi thil òihnung a si, sihmanhsehlaw BAWIPA i bochan hi himnak a si.

²⁶Mi kip nih uktu bawi duhdawtnak hmuh kha an duh, Sihmanhsehlaw mi nih biading cu BAWIPA sin lawngin an hmuh.

²⁷Miding mi nih miding lomi kha an huat hna, miòhalo nih miding mi kha an huat ve hna.