Read Hakha Chin PHUNGTHLUKBIA 3 Bible Online

PHUNGTHLUKBIA 3 - Hakha Chin bible

PHUNGTHLUKBIA 3

¹Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

²Zeicahtiah nun saunak le chan saunak le duhdim nunnuamhnak cu an in pek lai.

³Felnak le zumh awk tlakmi sinak kha i chuahtakter hna hlah, Na hngawng ah i ngerh hna law na lung tlap cungah i òial hna.

⁴Cuticun Pathian le minung mithmuh ah Mithmai òha le thangòhatnak na hmuh lai.

⁵BAWIPA kha na lung chung dihlak in i bochan law Nangmah fimnak kha i rinh hlah.

⁶Na kalnak lam kip ah amah kha hngal law Amah nih na lam kha a tluanter hna lai.

⁷Mah mithmuh i a fimmi va si hlah; BAWIPA kha òih law òhat lonak kha mertak ko.

⁸Na taksa caah damnak a si lai i na ruh caah si a si lai.

⁹BAWIPA cu na chawva le na thilri theitlai hmasa bik hna in upat tuah;

¹⁰Cun na rawl inn cu khat thluahmah in an um lai i Na mitsur nennak khor cu mitsur hang in an liam lai.

¹¹Ka fapa, BAWIPA chimhhrinnak cu zei rel loin um hin hlah. An mawhchiatnak nih cun in nor hlah seh,

¹²Zeicahtiah pa nih a duhmi a fapa cu a chimhhrin bangin BAWIPA nih a dawtmi kha a chimhhrin ve hna.

¹³Fimnak a hmumi cu a lung aa lawm, hngalhthiamnak a ngeimi zong aa lawm ve;

¹⁴Zeicahtiah fimnak cu ngun nakin a òha deuh i miaknak a chuahpimi cu sui nakin a òha deuh.

¹⁵Fimnak cu rubi lungvar man sungmi nakin a sung deuh, na hlawn vialte ah amah tluk zeihmanh an um lo.

¹⁶Nun saunak cu a orhlei kut chungah a um i a kehlei kut ah rumnak le upatnak an um.

¹⁷A lam cu lam nuam an si i rumnak phakpitu lam an si.

¹⁸Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

¹⁹BAWIPA nih fimnak in vawlei kha a rak dirh; hngalhthiamnak in van kha a hmunhter hna;

²⁰A thiamnak thawngin ti thuk hna cu an i sat i khuadawm nih dap kha a thlak hna.

²¹Ka fapa, fimnak òha le ruahthiamnak cu i ken hna, na mit hmuhnak chungin liamter hna hlah;

²²Annih cu na thlarau caah nunnak an si lai i na hngawng caah òamhnak an si lai.

²³Khi tikah himbawm tein na kal lai i na ke cu an i chuihpah lai lo;

²⁴Na òhut ah na thin a phang lai lo, na ih tikah na mitkuh a thaw lai.

²⁵Mihrut mi hna cung i a tlungmi launak ruangah khan na thin va phang hlah; miòhalo cung i a tlungmi rawhralnak ruang zongah khan na thin va phang hlah;

²⁶Zeicahtiah BAWIPA cu na hnangamnak a si lai i na ke cu aa awh nakhnga lo amah nih an zohkhenh lai.

²⁷Nangmah kut chungah òhatnak tuah khawhnak kha a um tikah, a hmu hnga ding a simi sinin òhatnak kha va kham hlah.

²⁸Nangmah sinah naa chiah ko nain, “Va kal law ra òhan te, thaizing ah kan pek lai,” tiah na hawi kha ti hna hlah.

²⁹Nangmah kha bochan in na pawngah khua a sa khirkhiarmi na innpa caah òhat lonak khua va khang hlah.

³⁰Na cungah òhat lonak zeihmanh a tuah lo ahcun, zei ruang lo ah aho he hmanh vaa si len hlah.

³¹Zaang en hmangmi cu va hngar hna hlah, a lam zong kha zeihmanh vaa thim hlah;

³²Zeicahtiah mi lungthin òhalo cu BAWIPA caah fihnung an si i miding mi cu Pathian nih a zumhmi an si.

³³BAWIPA chiatserhnak cu miòhalo mi hna inn cungah a tlung i sihmanhsehlaw miding mi hna umnak cu thluachuahnak a pek.

³⁴Mi zei ah a rel lomi hna cu zei ah a rel ve hna lo i mi toiah aa dormi hna cu duhdawtnak a pek hna.

³⁵Mifim mi nih upatnak cu an co lai, sihmanhsehlaw mihrut mi nih zohchuknak kha an hmuh lai.