Read Hakha Chin PHUNGTHLUKBIA 31 Bible Online

PHUNGTHLUKBIA 31 - Hakha Chin bible

PHUNGTHLUKBIA 31

¹Massa siangpahrang Lemuel bia, a nu nih a cawnpiakmi:

²Nangmah cu ka dawtmi ka fapa, ka thlacamnak lehnak i ka hmuhmi ka fapa na si, zeidah kan chimh lai?

³Na thazang cu nu sinah va pe hlah, siangpahrang a hrawktu hna kha va kom hna hlah.

⁴Maw Lemuel, siangpahrang nih cun zu din awk a si lo, uktu bawi hna caah cun zureu hi din awk a si lo;

⁵Annih nih an din tikah upadi kha an philh i harnak a ingmi hna nih an hmuh awk hnga thil a simi kha zeirello in an um.

⁶A lung a dong cang i ngaihchia lungrethei in a ummi kha zu cu pe hna u,

⁷Ding hna seh law an sifahnak kha i philh hna seh, an harnak kha hngal ti loin um hna seh.

⁸Aa chim kho lomi kha chimpiak hna, bawmtu a ngei lomi kha humhak hna;

⁹Annih cu an bia chimpiak hna law an caah a dingmi biaceihtu va si ko; sifakmi le retheimi kha dirkamh hna.

¹⁰Nupi òha cu hlawn nakin tampi in a sung deuh, cu bantuk mi hmuh bel cu a har hringhran!

¹¹A va nih aa bochan i a va cu a si a fak bal lai lo.

¹²A nupi nih cun a nun chung vialte a va caah khan chiatnak si loin òhatnak kha a tuah.

¹³Tuuhmul le khumla in puan kha a tah lengmang hna.

¹⁴Thilri in a khatmi sangphawlawng nih thilri an rak phorh bantukin lamhlat piin rawl kha a rak phorh hna.

¹⁵Dei hlan in a tho i a innchungkhar caah khan rawl a chuan i a sinum ngaknu hna kha rian a chimh hna.

¹⁶Òha tein a ruah hnuah mitsur dum caah tangka a hmuhmi in lo pakhat kha a cawk.

¹⁷Thazang tlung ngaiin le lungtho ngaiin rian kha a òuan i a ngan zong a dam.

¹⁸A rianòuanmi a hlawhtling ti kha a hngalh i zan ah a mei inn kha a mit bal lo.

¹⁹Amahte nih laa kha aa kher i amahte nih puan kha aa tah.

²⁰Sifak retheimi sinah nun a siang.

²¹Hawhra a tlak tikah a lungre a thei lo, Zeicahtiah a innchungkhar mi cu tling tein thil lum an ngei cio.

²²Puanbu aa ser hna i a thilpuan cu lahmangòhia le maimaw in tahmi an si.

²³A va cu ram chung upa hna sinah a òhut tikah, hauka ah khan theihhngalhmi a si.

²⁴La hmangòhia puan kha a tah hna i taisawm kha a ser hna i chawlettu sinah khan a zuar tawn hna.

²⁵Amah cu a òhawngmi a si i hmaizahmi a si i hmailei caan kha a òih lo.

²⁶A kaa cu fimnak in a pau i a lei cungah zaangfah cawnpiaknak kha a um.

²⁷A innchungkhar umkalning kha òha tein a zoh i an herh an baunak kha òha tein a hmuh.

²⁸A fale nih khan, thluachuak nu, an ti i a va zong nih khan a ti ve i a thangòhat i,

²⁹“Nupi òha tampi an um, sihmanhsehlaw nangmah nih na lonh dih hna,” a ti.

³⁰Iang hi hlen a hmang, dawh hi a ziam kho, Sihmanhsehlaw BAWIPA a òihmi nu cu thangòhat awk a si.

³¹Amah cu a kut theitlai ruangah khan thangòhat u, Hauka ah khan amah cu a rianòuannak nih khan upatnak hmuhter seh.