Read Hakha Chin PHUNGTHLUKBIA 5 Bible Online

PHUNGTHLUKBIA 5 - Hakha Chin bible

PHUNGTHLUKBIA 5

¹Ka fapa, ka fimnak kha òha tein i ngaih law lungthin kan cheuhmi kha òha tein na hna chi tuah;

²Ruahthiamnak kha na ngei kho lai i na chimmi cu hngalhnak in chimmi a si lai.

³Nu zuangzam hmur in khuaihliti dor an tla i a biachimmi cu chiti nakin a nal deuh.

⁴Sihmanhsehlaw a donghnak ah cun anfangkha bantukin a kha i kap hnih har nam bantukin a har.

⁵A ke cu thihnak ah an vung kal i a kehlan cu Sheol lei lam kha an zul;

⁶Nunnak lei lam kha zei ah a rel lo; a lam cu a kenkip ah an vak i cucu a hngal lo.

⁷Atu cu, ka fapa, ka bia kha ngai law ka kaa chung chuak bia hi zeirel lo in um hna hlah.

⁸Nu zuangzam kha lamhlat piin hrial law a inn innka pawngah va kal hlah.

⁹Hmaizahnak na hmuhmi kha midang mithmuh ah na thlau sual lai i zaangfahnak ngei lomi hna sinah na upatnak kha na hloh sual lai;

¹⁰Ramdangmi kha na òhawnnak in an khim sual lai i na rianòuanmi man cu na hngalh lomi miding innchungkhar sinah a kal sual lai;

¹¹A donghnak ah cun rawlòam in na um lai i na ruh lawngin khua na sa lai.

¹²Khi tikah naa thawh lai i, “Zeicahdah chimhhrinnak kha ka rak huat i mawhchiatnak kha ka lung nih a rak duh hnga lo.

¹³Ka sayate aw kha ka rak ngai lo i a ka cawnpiaktu hna an bia kha zei ah ka rak rel hna lo.

¹⁴Aa pummi mibu chungah khan, minchiatnak ka rak hmu ciaomau ko lo mei?” na ti lai.

¹⁵Nangmah tikuang ti te ding law na tikhor chungin a luangmi ti te kha ding tuah.

¹⁶Na tiput hna cu a kenkip ah òhekter hna hlah law khualak lam ah tiva cu i òhek hna hla seh.

¹⁷Annih cu nangmah ca lawngah si ko hna seh, na sin i a ummi khual hna caah cun si chih hna hlah seh.

¹⁸Na tikhor cu thluachuahnak hmu seh law na tlanval lio i na nupi ah khan i lawm ko;

¹⁹Amah cu sazuk duhnung ngai le aa dawhmi sakhi bantuk a si; a hnuk nih cun zeitik paoh ah na lung in riamhter seh law a dawtnak nih cun in lawmhter zungzal ko seh.

²⁰Ka fapa, zeicahdah mi zuangzam cu na duh i nu ralòha cu na pom?

²¹Zeicahtiah mi nih a zulhmi a lam vialte cu BAWIPA nih a hmuh dih ko i BAWIPA nih cun a lam vialte cu a zoh dih ko.

²²Miòhalo cu amah òhat lonak ah aa foih i a sual rianòuannak ah khan a tang.

²³Chimhhrinnak a um lo caah a thi i a hruhnak a ngan caah a tlau.