Read Hakha Chin PHUNGTHLUKBIA 6 Bible Online

PHUNGTHLUKBIA 6 - Hakha Chin bible

PHUNGTHLUKBIA 6

¹Ka fapa, na innpa caah biahrennak i na can i Khualpa caah aamahkhannak na tuahpiak i

²aa bia chimmi ah naa foih i na kaa in a chuakmi bia ah na tan ahcun,

³Khi tikah, ka fapa, nangmah cu na innpa kut chungah na tlak cang caah Mah hihi tuah law i khamh tuah: Khulrang in va kal law mipa cu va nawl hranhram ko.

⁴Na mit cu ihter hlah, na mit cuar zong cu hngilhter hlah;

⁵Sakap kut chungin sazuk a luat bantuk le mihriam kut chungin vate a luat bantukin nangmah kha i khamh tuah.

⁶Maw zaangthupa, hngerhte sinah khin va kal tuah; an umtuzia khi va ruat hna law fimnak i lak tuah.

⁷Bawi le upa le uktu zeihmanh an ngei lo nain,

⁸Òhal caan ah an rawl kha a timh hna i rawl òuan caan i an i cawmnak ding kha an pumh an khawmh hna.

⁹Maw zaangthupa, zei can dah na ih ko lai? zeitik ah dah na ihnak in na thawh lai?

¹⁰Tlawm tein it ko rih ning, tlawm tein i hngilh ko rih ning, ka kut cu i dinh awkah tlawm tein i sih ko rih ning, na ti lengmang caah.

¹¹Pamnak nih mifir bantukin an tlunhnawh lai i herhbaunak nih hriamnam aa putmipa bantukin an chuahhnawh lai.

¹²Hrokhrawl bia he aa chawkmi cu mizeiruaramlo, miòhalo an si;

¹³An mit kha an òheh depmap i an ke in bia an chim i an kutdong in an sawh i

¹⁴An lungthin a kawi caah òhat lonak khua kha an khan lengmang i rem lonak thlaici kha an tuh thluangthluan;

¹⁵Cucaah chikkhatte ah òhat lonak nih a tlunhnawh hna lai i damter khawh ti loin an rawk lai.

¹⁶BAWIPA nih a huatmi thil paruk a um, A fihmi thil pasarih an um:

¹⁷Porhlawtnak mit, lihchim hmangmi lei, a sual lomi thisen chuahtu kut,

¹⁸Òhat lonak khua a khangtu lungthin, òhat lonak lei i khulrang in a tlimi ke,

¹⁹Lih a chim lengmangmi tehte le U le nau karlak i rem lonak thlaici a tuhtu.

²⁰Ka fapa, na pa nawlbia kha zul hna law na nu cawnpiaknak kha hlaw hna hlah:

²¹Na lung ah i hren chih zungzal hna law na hngawng ah i khih hna.

²²Na kal tikah an in hruai lai, na ih tikah an in ven lai, naa hlauh tikah bia an in ruah lai.

²³Zeicahtiah nawlbia cu meiinn a si i cawnpiaknak cu ceunak a si,

²⁴Chimhhrinnak cu nu òhalo sinin na him nakhnga ding caah le nu ralòha lei nal sinin khamh na si nakhnga ding caah a si.

²⁵Aa dawhnak cu na lung chungin duh hlah, a mithmul nih nangmah cu in hreng hlah seh;

²⁶Zeicahtiah hlawhhlangnu cu changreu hlum khat in hlan khawh a si ko, sihmanhsehlaw a va cungin pa aa duhmi nih cun mipa nunnak hrimhrim kha tlaih aa tim.

²⁷Mi nih a puan kang loin a òang ah meiòil kha a pom kho maw?

²⁸Asiloah a linmi meiòil cungah a ke duah loin aho tal a kal khomi an um maw?

²⁹Cu bantuk cu a innpa nupi sin i a va kalmi cu a si; Ahohmanh amah a tawngtu cu dantat loin an luat lai lo.

³⁰Mifir nih a rawl a òam tikah a rawl òamnak damter awkah thil a fir ahcun, Mi nih an nihsawh òhiamòhiam lo mei?

³¹Cun amah cu tlaih a si ahcun a let sarih in a liam lai; A innchung i a ngeihmi thil vialte cu a pek dih lai.

³²Mi nupi he a sualmi cu ruahnak ngei lomi a si; Cu a tuahtu cu amah le amah aa hrawk ko.

³³Hma le minchiatnak kha a hmuh lai i a thangchiatnak kha a lo lai lo.

³⁴Zeicahtiah lunghrinnak nih hin mi cu an thin a phawh hna i Teirul an i cham tik ciammam ah cun zeihmanh an i ngan hna lo.

³⁵Chamnak cu an i cohlanpiak duh lai lo i Laksawng tampi i pek hmanh ah an thin a dam hlei lai lo.