Read Hakha Chin PHUNGTHLUKBIA 9 Bible Online

PHUNGTHLUKBIA 9 - Hakha Chin bible

PHUNGTHLUKBIA 9

¹Fimnak nih a inn kha a sak cang, a tung pasarih kha a phun cang hna.

²A sa kha a thah cang hna i a mitsur hang zong kha a cawh cang hna i a cabuai zong kha a ser cang hna.

³Khuachung hmun sang bikbik khan au awkah a sinum kha a thlah hna i,

⁴“Lungthin a tlawm deuhmi paoh cu hika ah hin ra tuah u,” an ti. Ruahnak a ngei set lomi cu a thawh hna i,

⁵“Ra u law changreu kha ei u law mitsur hang ka cawhmi kha ding tuah u.

⁶Hruhnak lam kha kaltak u law nung cang tuah u, fimnak lam kha zul tuah u,” a ti.

⁷Miruamkai a chimhringtu nih cun rak nihsawhnak kha a in tawn, miòhalo nun a chimtu nih cun hma a in tawn.

⁸Miruamkai cu nun chim hlah, an huat sual lai, mifim cu nun chim law an dawt lai.

⁹Mifim cu cawnpiak law a fim chin lai, miding cu cawnpiak law a thiamnak aa chap lai.

¹⁰BAWIPA òih cu fimnak hramthawknak a si, A Thiangmi Mi hngalh cu a thukmi thil hmuh khawhnak a si.

¹¹Zeicahtiah keimah thawngin na ni hna cu an karh lai i na nunnak ah kum tampi chap an si lai.

¹²Na fim ahcun nangmah ca òhatnak a si ko, miruamkai na si ahcun mawhchiat awk cu nangmah na si ko.

¹³Nu hrut cu a lung duh ning paoh khan a um i ngakchia bantuk a si i zeihmanh a hngal lo.

¹⁴A inn innka ah khan a òhu, khua chung hmun sang bik hmun i òhutdan ah khan a òhu i,

¹⁵Lam i a kalmi, anmah lamte i ding tein a kal komi hna kha,

¹⁶“Lungthin a tlawm deuhmi paoh cu hika leiah hin ra tuah u,” a ti hna. Ruahnak a ngei set lomi kha a thawh hna i,

¹⁷“Firmi ti cu a thlum i a thli tein eimi changreu cu a thaw,” tiah a ti hna.

¹⁸Sihmanhsehlaw khika ah thihnak a um ti kha an hngal lo i a sawmmi a hawile hna cu Sheol a thuknak i a ummi an si kha an i hngal lo.