Read Hakha Chin PHUNGCHIMTU 11 Bible Online

PHUNGCHIMTU 11 - Hakha Chin bible

PHUNGCHIMTU 11

¹Na tangka cu chawlehnak ah hmang law ni khatkhat cu a miak na hmuh ko lai.

²Na tangka rianòuannak cu hmun tampi ah chia hna, Zeitintiah vawlei cungah hin zei òhat lonak dah a tlung lai, na hngal lo.

³Khuadawm cu ruahti in a khah tikah vawlei cungah a rung sur, Thingkung cu khuazeilei hoih paoh hmanh in tlu hmanh seh law a tluknak ah khan a ril ko.

⁴Thlitu le nikhua an òhat tiang na ngan peng ko ahcun, thlaici zeihmanh na tuh bal lai lo i zeihmanh na zun bal pek fawn lai lo.

⁵Nu nih fa an pawimi ruh chungah zeitindah thlarau kha a luh ti kha na hngalh lo bantukin zeizong vialte a sertu Pathian rian òuannak cu na hngal kho ve bal lai lo.

⁶Zinglei ah thlaici tuh ko, zanlei zongah ngol hlah; zeicahtiah an dihlak in an òhat lai le an òhat lai lo kha na hngal lo i a zei kha dah a òha deuh lai ti zong kha na hngal lo.

⁷Chun ceunak i nuamhpi khawh hi a òhami a si,

⁸Na nun chungte hi cu na nun rihmi kum paoh caah khan i lawm ko, Zeicahtiah zei can na nun hmanh ah na nun chung nakin na thih hnu cu a sau deuh òheo lai ti kha hngal ko. Hmailei thil zeihmanh i ngaih awk a um lo.

⁹Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

¹⁰Zeihmanh nan lungre i theihter hlah u, zeihmanh fahnak i pekter hlah u. Saupi na no ti lai lo.