Read Hakha Chin PHUNGCHIMTU 12 Bible Online

PHUNGCHIMTU 12 - Hakha Chin bible

PHUNGCHIMTU 12

¹Cucaah nan tlanval lioah nanmah an sertu kha philh hlah u, ni òhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

²Cu caan cu ni le thlapa le arfi hna an ceunak a dulh i ruah minmei na caah a òian ti lo caan kha a si lai.

³Khi tikah himnak an pe tawntu na ban kha an ther lai i atu i a òhawngmi na khuk cu an der lai. Na rawl khainak ding caah na ha cu an tlawm tuk lai i na mit cu an muih lai caah fiang tein khua na hmu kho lai lo.

⁴Lam i thawngpang kha na hna a kut caah na thei kho lai lo. Rawl rialnak seh thawng kha a thei kho menmen na si lai i aw dawh zong an tum tikah a thei kho menmen na si lai. Sihmanhsehlaw vate onh thawng hmanh nih naa hngilhnak in an hlauh khawh lai.

⁵Hmun sang kha na òih hna lai i chawh kha na caah òihnung a si lai. Na sam kha a par lai i nu le pa duhnak na ngeihmi kha a lo lai i zeihmanh nih a umter òhan kho ti lai lo. Kannih cu kan umnak ding zungzal kan inn ah khan kan kal lai i khua chung lampi ah òahnak a um lai.

⁶Ngun cikcin kha a cat lai i sui meiinn kha a tlu lai i a kuai lai. Tikhor i hri kha a cat lai i ti thannak um kha a kuai dih lai.

⁷Kan pum cu vawlei leidip ah a kir òhan lai i kan thaw cu a kan petu Pathian sinah a kir òhan lai.

⁸Pakpalawng lawngte, pakpalawng lawngte, zeizong vialte hi pakpalawng lawngte an si dih, tiah Phungchimtu nih ka ti.

⁹Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

¹⁰Phungchimtu nih hnangamnak bia kha ka kawl hna, sihmanhsehlaw ka òialmi bia hi lihchim lo tein ka òial hna.

¹¹Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

¹²Ka fapa, naa ralrin awk thil a um rih. Ca uk òial luaimai hi dongh a thiam lo i cawn lengmang zong hi batnak men a si.

¹³Hi thil vialte hna hnuah hin chim awk pakhat lawnglawng a um rih: Pathian cu òih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

¹⁴Pathian nih kan tuahmi thil paohpaoh hi, a thli tein kan tuahmi si hna seh, a òha kan tuahmi si hna seh, a chia kan tuahmi si hna seh, bia a ceih dih hna lai.