Read Hakha Chin PHUNGCHIMTU 3 Bible Online

PHUNGCHIMTU 3 - Hakha Chin bible

PHUNGCHIMTU 3

¹Zeizong vialte caah hin caan a um cio i vanrang tang i a ummi thil vialte nih hin caan an ngei dih:

²Hrin caan a um, thih caan a um; cin caan a um, phawi caan a um;

³Thah caan a um, damter caan a um; òheh caan a um, sak caan a um;

⁴Òah caan a um, nih caan a um; ngaihchiat caan a um, lam caan a um;

⁵Nu le pa si caan a um, si lo caan a um; i pom caan a um, i pom lo caan a um;

⁶Kawl caan a um, thlau caan a um; chiah caan a um, hlonh caan a um;

⁷Thleh caan a um, belh caan a um; dai tein um caan a um, chim caan a um;

⁸Huat caan a um, dawt caan a um; i doh caan a um, i rem caan a um;

⁹Rianòuantu nih rethei ngaiin a òuanmi chung hin zeidah a miak a hmuh?

¹⁰Pathian nih kan cung i a kan khinhmi rian cu ka hngalh cang.

¹¹Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

¹²Cucaah minung nih a òha bik a tuah khawhmi cu a nun rih lioah i lawmh le a òha bik a timi kha a tuah khawh chungin tuah kha a si ko.

¹³Kan dihlak in ei u sih law ding u sih law kan òuan man kha i nuamhpi u sih. Cucu Pathian laksawng a si ko.

¹⁴Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah òihnak a ngeih nakhnga Pathian nih cu bantuk cun a tuah.

¹⁵A um liomi hi a um cangmi an si dih ko; a um dingmi hi hlanah a rak um diam ding cangmi kha an si; Pathian nih a um ciami thil kha a um òhanter lengmang hna.

¹⁶Cuhleiah vanrang tangah hin òhat lonak nih dinnak le a hmaanmi thil kha an hmun a rolh lengmang hna ti kha ka hmuh.

¹⁷Ka lung chungin Pathian nih miding le miòhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.

¹⁸Minung hi saram nakin zeihmanh kan si hlei lo ti hngalhnak caah Pathian nih minung hi a hneksak hna ti kha ka hngalh.

¹⁹A ngaingai ti ahcun, minung le saram hi kan donghnak aa khat ko. Saram cu minung bantukin a thi i minung zong cu saram bantukin a thi ve ko. An pahnih in nunnak thaw a ngeimi an si. Nunnak hi minung caah siseh, saram caah siseh, sullam a ngeih lo caah minung hi saram nakin zeihmanh a si hlei lo.

²⁰An pahnih tein an fuhmi hmun cu aa khat ko § leidip kha a si ko. An pahnih in cuka cun an chuak i an pahnih in cuka ah cun an kir òhan lai.

²¹Minung thlarau cu cunglei ah a kai i saram thlarau cu tanglei ah vawlei ah a lut tiah aho nih dah fiang tein an hngalh khawh lai?

²²Cucaah minung nih a òha bik a tuah khawhmi cu a òuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.