Read Hakha Chin PHUNGCHIMTU 4 Bible Online

PHUNGCHIMTU 4 - Hakha Chin bible

PHUNGCHIMTU 4

¹Cun hi vawlei cung i a um lengmangmi dinlonak hi ka zoh òhan. Hremmi hna cu an òap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

²A thi i a lomi kha ka hngar deuh hna; a nung rihmi nakin an caah a òha deuh.

³Sihmanhsehlaw cu hna pahnih nakin a òha deuh chinchinmi cu a nun in a nung bal lomi kha an si, hi vawlei cung i a um lengmangmi dinlonak a hmuh in a hmu bal lomi kha an si.

⁴Zeicahdah minung nih hin tlamtlinnak ding caah fak piin rian a òuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

⁵Kut i sih i rawlòam in thih ko cu hruh a si, an ti.

⁶A si zong a si men ko lai, sihmanhsehlaw tlawmte lawng hmanh ngeih ko i lung dai tein um hi kut a pahnih hnih in rian òuan zungzal ko i thlitu tlaih i zuamnak nakcun a òha deuh.

⁷Kan nunnak ah hin pakpalawng a simi thil pakhat ka hmuh òhan hoi:

⁸Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a òuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a òuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

⁹Pahnih cu pakhat nakin an òhahnem deuh, zeicahtiah an òuanmi rian khan tam deuh an hmuh khawh.

¹⁰Pakhat kha a tluk sual ahcun pakhat nih khan a bawmh khawh. Sihmanhsehlaw mi pakhatkhat cu amah lawng a si i a tluk sual ahcun a poi ngaingai ko amah a bawmtu ahohmanh an um ti lo.

¹¹Khua a sih tikah pahnih in hmunkhat ah nan ih ahcun nanmah le nanmah kha nan i lumh kho, sihmanhsehlaw nangmah lawng cun zeitindah naa lumh khawh lai?

¹²Pakhat lawng a teitu ral kha pahnih nih cun an rak doh khawh lai. Thumthlak hrihrual cu chah a harmi a si.

¹³Mi pakhatkhat cu sifak te a si nain a òhang lengmang i an ram siangpahrang ah a cang, asiloah thonginn in siangpahrang òhutdan ah a kai, sihmanhsehlaw cu pa nih cun a tar tikah ruahnak cheuhmi kha a duh lo ahcun, a si a fak nain a fimmi tlangval kha cu pa nakcun a òha deuh.

¹⁵Vawlei cung i a ummi minung vialte hna kong hi ka ruat i an lak ah hin siangpahrang hmun a co kho dingmi an um ti kha ka hngalh.

¹⁶Siangpahrang nih a ukmi hna hi rel cawk lo an si ko lai, sihmanhsehlaw a thih tikah cun a rak tuahmi thil ruangah khan a cung i a lawmmi ahohmanh an um hlei lo. Hihi pakpalawng a si fawn ko, thlitu dawi men cu a si ko.