Read Hakha Chin PHUNGCHIMTU 6 Bible Online

PHUNGCHIMTU 6 - Hakha Chin bible

PHUNGCHIMTU 6

¹Vawlei cungah hin dinlonak nganpi minung cungah tuah a si ti kha ka hmuh.

²Pathian nih mi pakhatkhat cu rumnak, upatnak le thilri kha a pek, a duhmi paohpaoh kha a pek ko. Sihmanhsehlaw cu hna cu i lawmhpi awk kha a sianh fawn òung lo. Midang pakhat khat tu nih khan a hun i lawmhpi ko hna. Cucu pakpalawng a si i a din zong a ding lomi thil a si.

³Mi pakhatkhat nih fa za khat a ngeih ko hnga i kum saupi a nung ko hnga, sihmanhsehlaw zei caan a nun hmanh ah lunglawmhnak kha a ngeih lo i hmaizahnak tein vuinak kha a hmuh lo ahcun, cu pa nakcun a thi cia i a chuakmi ngakchia kha a òha deuh.

⁴Ngakchia caah chuah kha zeihmanh òhathnemnak a um lo; muihnak chungah khan a lo i cuka ah cun philh a si ko.

⁵Chun ceu kha a hmu bal lo, nunnak zong hi zeidah a lawh ti kha a hngal lo, sihmanhsehlaw anih cu dinhnak tal kha a hmu §

⁶mi pakhatkhat cu kum thong hnih hmanh a nung ko hnga i a nun chungah nuamhnak hmu òung lomi a si ahcun, cu pa nakcun ngakchia kha dinhnak kha a hmu deuh. A donghnak ah cun an pahnih in hmun khat ah pei an va kal ko lai cu.

⁷Mi nih heh tiah rian a òuan cu ei awk hmuhnak ding caah a si ko, sihmanhsehlaw kaa za cang ti cu a um kho hlei lo.

⁸Zeitindah mifim mi cu mihrutpa nakin òhathnemnak a hmuh hlei? Zeitindah kan nun awk a si ti hngalh nih hin misifak cu zeidah a òhathnem?

⁹Pakpalawng a si ko, thlitu dawi bantuk òhiamòhiam a si ko. Ngeihmi cungah lungawi tein um hi ngeih chin lengmang duhnak nakin a òha deuh.

¹⁰Thil a hung ummi paoh hi hlan piin ruah cia dih an si cang i mi nih amah nakin a òhawng deuhmi he bia i al cu a si kho lo ti kha kan hngalh cio.

¹¹Sau deuh nan i al paoh ah pakpalawng a si chin lengmang i na caah zeihmanh òhathnemnak a um hlei lo.

¹²Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a òha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?