Read Hakha Chin PHUNGCHIMTU 7 Bible Online

PHUNGCHIMTU 7 - Hakha Chin bible

PHUNGCHIMTU 7

¹Min òha hi a sungmi zihmui nakin a òha deuh; thih ni hi hrin ni nakin a òha deuh.

²Mithi òahnak inn i va kal khi rawl danghnak inn i va kal nakin a òha deuh; zeicahtiah thihnak nih a kan hngah cio ko ti hi minung nih kan hngalh zungzal awk a si.

³Ngaihchiat hi lunglawmh nakin a òha deuh, zeicahtiah ngaihchiatnak nih cun na hmai cu a ngaih a chiatter ko nain na hngalhnak kha a haarter lai.

⁴Mifim mi lungthin cu ngaihchiatnak inn ah a um, sihmanhsehlaw mihrut mi hna lungthin cu puai tuahnak inn ah a um.

⁵Mihrut mi nih na thangòhatnak hlasak in an sak nakin, mifim mi nih an in sik kha a òha deuh.

⁶Mihrut cu an nih ah khin, hlingkung mei chung i a puah òhukmak bantuk khi a si, sullam zeihmanh a ngei lo.

⁷Mifim mi nih midang pakhatkhat a hlen hna ahcun, mihrut bantukin rian a òuan a si. Nawhthuh nih lungthin a òhutter.

⁸Thil donghnak hi a hramthawknak nakin a òha deuh; lung a saumi hi aa porhlawmi nakin a òha deuh.

⁹Na thin i sum khawh kha i zuam, lungchung in mi uam peng hi hruh a si.

¹⁰“Zeicahdah hlan lioah khan atu nak hin thil kha a rak òhat deuh?” ti hlah, cucu fimnak biahalnak a si lo.

¹¹Fimnak hi a sungmi ro a si, a nungmi hna caah laksawng òha a si;

¹²Zeicahtiah fimnak nih cun tangka tlukin lung hnangamnak a pek khawh i hngalhnak nih òhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.

¹³Pathian rianòuanmi hi va ruat tuah, a kawiter cangmi cu aho nih dah a dinter khawh lai?

¹⁴Òhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

¹⁵Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a òhalo ko nain a chan a sau.

¹⁶Cucaah a òhat zong òha tuk hlah, a fim zong fim tuk hlah, zeicahdah nangmah le nangmah cu naa thah lai?

¹⁷Asinain òhat lo zong òha lo tuk fawn hlah, a hruh zong hrut tuk fawn hlah, zeicahdah na caan a tlin hlanah na thih lai?

¹⁸Mah hihi naa tlaih ahcun a òha, cun mah cucu thlah ti hlah; Pathian a òihmi na si ahcun thlua na chuak kho lai.

¹⁹Uktu pahra nih khua pakhat caah òhatnak an tuahmi nakin fimnak nih minung pakhat caah a tuahmi cu a tam deuh.

²⁰Òhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

²¹Mi nih an chimmi paoh kha biapi in va la hlah, na sinum nih chiat an serh kha na theih sual lai,

²²nangmah hrim zong nih midang kha chiat voi tampi na serh hna cu na hngalh ko.

²³Mah hi thil vialte hna hneksaknak caah hin ka fimnak kha ka hman. Fim hrimhrim kaa tim; sihmanhsehlaw cucu ka ti khawh leng a si.

²⁴Zeitindah mi nih nunnak hi zeidah a si tiah an tuak khawh lai? Kan caah a thuk tuk, hngalhawk a har tuk.

²⁵Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a òhat loning le a hruhning kha hngalh awk kaa zuam.

²⁶Thih nakin a kha deuhmi thil ka hmuhmi cu a lungthin rap le sur a si i a kut cu hreng a simi minu kha a si; Pathian duhnak a tuahmi cu amah sin cun an luat, sihmanhsehlaw misual cu a tlaih hna.

²⁷Zohhmanh mah hihi ka hmuhmi cu a si, tiah Phungchimtu nih a ti, biahalnak lehnak ka kawlmi kha tlawmpal tete in ka hmuh lengmang.

²⁸A dang lehnak zong kha ka kawl, sihmanhsehlaw ka hmu hna lo. Pa thong khat chungah hin a fimmi pakhat cu a um ko lai, sihmanhsehlaw nu fim ti hi cu a um bal lomi thil a si.

²⁹Ka va hngalhmi cu mah vial hi a si ko: Pathian nih hin cun minung hi tliang tein a kan ser ko, sihmanhsehlaw kanmah le kanmah nih hin hnawk ngaiin kan i ser.