Read Hakha Chin PHUNGCHIMTU 8 Bible Online

PHUNGCHIMTU 8 - Hakha Chin bible

PHUNGCHIMTU 8

¹Mifim mi lawng nih thil hi zeidah an si taktak ti kha an hngalh; Fimnak nih cun mi hmaiah nih thlam a lenter i an hmaichiatnak kha a lohter.

²Siangpahrang nih a chimmi kha tuah tuah, Pathian sinah hnawhnam in biakamnak ser hlah.

³Siangpahrang nih cun a duhmi paoh kha a tuah khawh ko, cucaah a hmaika khan va chuak zau, cu bantuk òihnungmi hmun ah cun va um hlah.

⁴Siangpahrang bia cu a sang bik a si i aho nih dah amah cu, “Zeidah na tuah?” an ti khawh lai?

⁵A nawlbia na ngaih chung cu harnak na tong lai lo, mifim nih cun zeitik ah dah caan kha a òhat ti le zeitin tuah ah dah a òhat ti kha a hngalh.

⁶Zei thil paoh hi zei caan ah dah tuah awk an si ti le zei lam in dah tuah awk an si, ti hi a um cio, sihmanhsehlaw kan hngalhmi hi a tlawm tuk hringhran.

⁷Zeidah a hung um lai ti kha kan hngal lo i aho nih an kan chimh lai ti zong kha kan hngal lo.

⁸Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

⁹Hi vawlei cung i thil umkalning ka zoh lengmang tikah hin hi vialte hi ka hmuhmi an si: hi vawlei hi mi a cheukhat nih òhawnnak an ngeihnak hmun a si i a cheukhat nih an òang i hremnak an innak hmun a si kha ka hngalh.

¹⁰Miòhalo hna an phum hna i an vui hna kha ka hmuh, sihmanhsehlaw thlan in kan kir leiah cun òhat lonak an tuahnak khua chung hrimhrim ah khan mi nih an thangòhat len ko hna. Cucu pakpalawng a si.

¹¹Zeicahdah mi nih òhat lonak kha an tuah lengmang? Òhat lonak an tuahmi caah khan khulrang in dantatnak an in lo caah a si.

¹²Misual mi nih sualnak kha voi za khat a tuah zongah a nung òhiamòhiam ko. Asi, an chimmi cu ka hngalh, “Pathian na òih ahcun zeizong vialte a òha dih ko lai.

¹³Sihmanhsehlaw miòhalo mi hna caah cun a òha dih ko lai lo, an nunnak cu thladem bantukin a liam zau ding an si i Pathian an òih lo caah an no tein an thi lai,” an ti.

¹⁴Sihmanhsehlaw cucu pakpalawng a si. Vawlei cung i thil umtuning hi zoh ngat u, miding mi nih pei miòhalo mi hna nih an hmuh awk a simi dantatnak kha an in i miòhalo mi nih miding mi hna hmuh awk a simi laksawng kha an hmuh tawn ko hi. Mah hihi pakpalawng a si, ka ti.

¹⁵Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a òuannak ah hin hi ceo cu pei a tuah khawhmi cu a si ko cu.

¹⁶Fim kha kaa zuam i hi vawlei cung thil umtuning hngalh kha kaa zuam paoh ah hin, chun zan in hngilh loin ka um tawn,

¹⁷sihmanhsehlaw Pathian nih a tuahmi thil cu hngalh khawh lo òhiamòhiam a si peng ko, ti kha ka hngalh. Zei tluk hmanh in i zuam law na hngal bal lai lo. Mifim nih kan hngalh an ti hnga, sihmanhsehlaw an hngal lo.