Read Hakha Chin PHUNGCHIMTU 9 Bible Online

PHUNGCHIMTU 9 - Hakha Chin bible

PHUNGCHIMTU 9

¹Pathian nih zeitindah mifim mi le miding mi hna an rianòuannak kha a uk i dawtnak an ngeihmi le huatnak an ngeihmi hmanh a uk kha saupi le fak piin ka ruat. Ka hmaiah zeidah a um ti a hngal khomi ahohmanh an um lo.

²Zeihmanh aa dang hlei lo. Miding mi le miòhalo mi cungah, miòha mi le michia mi cungah, mithiang mi le mithianglo mi cungah, Pathian a biami hna le a bia lomi hna cungah, a tlungmi thil cu aa khat òhiamòhiam ko. Miòha kha misual mi nakin zeihmanh òhathnemnak an hmu hlei lo, chiat a ser lomi kha a sermi nakin zeihmanh òhathnemnak an hmu hlei lo.

³Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu òhat lonak le pakpalawng in a khat i hmakhatte ah an thi ko.

⁴Sihmanhsehlaw vawlei cung i a nung rihmi minung hna caah cun ruahchannak tlawmpal a um; uico nung cu chiandeih thi nakin a òha deuh.

⁵A nungmi nih cun kan thi lai ti kha an hngalh, sihmanhsehlaw a thimi nih cun zeihmanh an hngal lo. Annih cu laksawng hmuh ding zeihmanh an ngei ti lo, philh rumro in philh an si ko.

⁶Dawtnak, huatnak, duhnak an ngeihmi vialte kha anmah sinah cun a thi ve. Hi vawlei cung i a ummi thil ah hin an i tel ve bal ti lai lo.

⁷Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

⁸Lunglawm le thanuam in um zungzal ko.

⁹Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

¹⁰Na tuahmi cu a òhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

¹¹Vanrang tangah hin thil pakhat ka hngalhmi a um òhan hoi: tlik zuamnak ah hin khul a rangmi nih teinak an hmu zungzal lem lo i ralòhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

¹²Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan òhalo chungah khan kan i foih tawn ko.

¹³Thil ka hmuhmi a dang a um rih, cucu fimnak hi vawlei cungah hin zeitindah ruah a si, ti tahchunhnak òha ngai a si:

¹⁴Khua hmete pakhat hi a rak um i a chungah mi tlawmte an rak um; siangpahrang pakhat nih a ra doh i a dum i raltuknak chuntlung ngan pipi kha a serhnawh.

¹⁵Cu khua chungah cun misifak te a simi mifim pakhat hi a um i a fimnak in khua cu a luatter khotu ding a rak si. Sihmanhsehlaw ahohmanh nih cu misifakpa cu an ruat lo.

¹⁶Kei nih cun fimnak cu òhawnnak nakin a òha deuh, ka ti, sihmanhsehlaw kha misifak pate kha ahohmanh nih a ruah in an ruat lo i a chimmi kha zei ah an rel lo.

¹⁷Mihrut mi hna an i pumhnak hmun i uktupa a au len thawng ngaih nakin mifim mi nih dai tein an chimmi bia ngaih cu a òha deuh.

¹⁸Ral hriamnam nakin fimnak nih tam deuh a tuah khawh, sihmanhsehlaw palhnak pakhat nih òhatnak tampi kha a hrawh khawh.