Read Hakha Chin SOLOMON HLA 8 Bible Online

SOLOMON HLA 8 - Hakha Chin bible

SOLOMON HLA 8

¹Sunghno ka nu hnuk a ding le maw ka chuah sempi òa can va si law, Zatlang lam i kan ton zawn ah khin, Kan hnamh hnga mi phai ral hmanh veng loin.

²In hruai ning law ka nu run inn ah tanchuan rem, Sunghno ka nu a suan run inn khaan, chungah hei ka pom ai law, Taleti ser mitsur hang thlum, hei in din hnik lang.

³Kehlei ban hei ka tlinh tawn rih law, Hei ka kup tuah na orhlei kut in.

⁴Maw Jerusalem leng rual hna, Ka dawtte cu tho law i hlau ko tiin, Òhangh lai kan senh hna ri lo.

⁵Ho lengnu maw ramlak in rung lang, Lung a tum cia thlanghnun valpa he zaòial tlaih in um ai hna. Semnak na nu nganfah tuar buin na chuahnak hmun Epal kung toiah in òhang ai ing,

⁶Na lung chungah ca bangin ka khenh ko ai law Val dang pom ser loin keimah lawng ka pom ai ko. Dawtnak cu ee thihnak tluk òhawng ve, Nahchuahnak nih thli bang a hrang tuk ai! Dawtnak nih cun mei bangin hlio kaw meizik nakin òhawng deuh ai.

⁷Dawtnak mei cu tidai rial nih hmit kho ri lo, Run tilian zong nih phum kho lai lo. Dawtnak can ah zeizong phun kip le, rothil hmanh hei kam seh law, A khi hna cu zei ah hen, ka hei rel hna hnga.

⁸Farte fang khat hnuk bom lo kan ngei, Thai ngenh duh i kan daang kai ni ah, zeitin aan kan leh hna hnga?

⁹Amah cu ee vampang va si seh, ngun hau in kan kulh hnga, Run innkhar zong va si ko ah khin, sidar thing in kan hrenh hnga.

¹⁰Keimah cu ee ralhruang ngai ka si, Ka hnuk zong nih ral vennak Cu vang ah ee ka dawt nih cun hnangam phortu ka si hngal dah ngai.

¹¹Solomon nih Baal-hamon ah mitsur dum a ngei, A khi dum ah dum cawngtu chia hna, Theitlai man ah ngun thong khat cio pe ding si hna,

¹²Sihmanhsehlaw kei ka mitsur dum te cu keimah ta si ko ai, Solomon aw nang nih ngun thong khat cu i lak law Thei cawng hna nih za hnih cu i lak hna seh.

¹³Ka thaisung in ka dum chung i a òhumi aw, Ka val hawi nih na aw theih an ngai, kei zong ka theihter ve law.

¹⁴Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.