Read Hakha Chin ISAIAH 15 Bible Online

ISAIAH 15 - Hakha Chin bible

ISAIAH 15

¹Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

²Dibon khuami hna cu hmunthiang i va òah awkah tlang ah khan an kai. Moab mi hna nih cun Nebo khua le Medeba khua kha an òah hna; an ngaihchiat in an lu an i kongh i an khahmul an i ziah.

³Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an òap i an ai.

⁴Heshbon khuami hna le Elealeh khuami hna cu an ai i an ai thawng cu Jahaz khua tiang a thang. Ralkap hmanh an tha a therh hna, an ralòhatnak kha a lo dih cang.

⁵Moab caah ka lung a fak hringhran. Mi cu Zoar[8] khua ah an zam. A cheu cu an òah pah in Luhith lam leiah khan an hung kal; a cheu cu Horonaim leiah khan an zam i an i òah sek.

⁶Nimrim tiva cu a kao, a pawng ram cu an car dih i a hringmi zeihmanh an taang lo.

⁷Inhliam nel kha an tan i an ngeihmi vialte kha zampi an i zuam.

⁸Moab ramri kip ah òah thawng lawng a leng ko. Eglaim khua le Beerelim khua zongah òah thawng lawng a leng ko.

⁹Dibon khua ah khan tiva cu thisen in a luang, sihmanhsehlaw cuka mi hna caah khan Pathian nih cu nak chia chin cu a chiah ko rih. Moab ram chung i a tangmi hna kha heh tiah an sam hna lai.