Read Hakha Chin ISAIAH 23 Bible Online

ISAIAH 23 - Hakha Chin bible

ISAIAH 23

¹Hi bia hi Tair kong bia a si. Rili cungah lawng in a kalmi hna, òap tuah u. Nan lawng dinhnak khua Tair khua cu a rawk cang; a inn vialte le a lawng dinhnak hmun hna cu an rawk cang. Nan lawng cu Saipras in an kir tikah cu thawng cu nan theih lai.

²Sidon chawdawr hna, òap tuah u.

³Izipt ram in a chuakmi rawl kha cawk awk le ram dangdang hna he chaw i cawk le i zuarh awkah, nan lawng cu rili cungah nan thlah hna.

⁴Sidon khualipi, ningzahnak na phan cang! Rilite rilipi hna nih khan an in hlawt i, “Fa kan rak ngei bal lo. Fapa zong fanu zong kan cawm bal hna lo,” an ti.

⁵Tair a rawk cang ti kha an theih tikah Izipt mi hmanh an lau lai i an khuaruah a har lai.

⁶Ngaihchia in òap tuah u, Foinisia mi hna. Spain ram ah zam i zuam tuah u.

⁷Hlanpi in a rak ummi lunglawmhnak khua Tair khua kha hihi maw a si ko? Ram thar va tlak awkah rili ralmi a thlah tawntu hna kha, mah hi maw a si ko?

⁸Siangpahrang khua, a mirum hna vawlei cung i hmaizah bikmi a simi hna khua Tair khua i hi thil vialte a tluntertu hi ahodah a si?

⁹Ralkapbu BAWIPA a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

¹⁰Kal u law lo va thlo u, Spain ram chung ram thar i a ummi hna. Ahohmanh nanmah hupphengtu ding an um ti lo.[9]

¹¹BAWIPA nih rili cungah a kut a samh cang i pennak kha a hrawh cang hna. Foinisia ram chawleh chawhrawlnak hmun kha hrawh awkah nawlbia a chuah cang.

¹²Sidon khualipi, na lunglawmhnak cu a dih cang. Na mi cu hrem an si cang i Saipras tikulh i an zam hmanh ah, cuka zongah cun an him òhiamòhiam lai lo.

¹³(Tair ram cu saram nih an hrawh, cu a hrawhtertu cu Assiria a si lo, Babilon tu kha a si. Tair khua cu kulhnak chuntlung a serhnawh i a ralhau vialte a chim dih i a hrawk dihtu cu Babilon a si.)[10]

¹⁴Rili cung i lawng in khual a tlawngmi hna, ngaihchia in òap ko u. Nan i bochanmi khuapi kha a rawk cang.

¹⁵Tair cu kum sawm sarih chung philh a si caan a phan lai, kum sawm sarih cu siangpahrang chan chan khat a si. Cu kum cu a dih tikah Tair cu hla i a cuangmi hlawhhlangnu bantuk a si lai. Cu hla cu hihi a si:

¹⁶Na tingtang kha i lak law khua chungah i chawk tuah, maw philh cangmi hlawhhlangnu. A rak in duhtu pawl kha na lem òhan khawh hna nakhnga tingtang cu i tum law na hla cu sa tuah hna.”

¹⁷Kum sawm sarih a dih tikah BAWIPA nih Tair cu a rak òuan tawnmi a rian hlawhhlan rian ah khan a kirter òhan lai i vawlei cung ram dihlak ah khan a kal òhan lai.

¹⁸Chawleh chawhrawlnak in a hmuhmi tangka cu BAWIPA sinah a pek lai. A khong hna lai lo i a thup hna lai lo, sihmanhsehlaw BAWIPA a biami hna nih a tangka cu an herhmi rawl le thilpuan cawknak ah an hman lai.