Read Hakha Chin ISAIAH 24 Bible Online

ISAIAH 24 - Hakha Chin bible

ISAIAH 24

¹BAWIPA nih vawlei cu a hrawh cikcek lai i a cungah zeihmanh um lo in a lawng dih lai. A bingtalet in a chiah lai i a cung i a ummi vialte kha a òhek dih hna lai.

²Ahopaoh nih cu bantuk thil cu ton a si ko lai § tlangbawi nih si hna seh, zapi nih si hna seh, sal nih si hna seh, bawi nih si hna seh, thil cawtu nih si hna seh, a zuartu nih si hna seh, tangka mi a cawihtu nih si hna seh, tangka mi sinin a cawimi nih si hna seh, mirum si hna seh, misifak si hna seh, cu bantuk cu an ton dih ko lai.

³Vawlei cu a kek a kuai dih lai i a rawk dih lai. Cu bia cu BAWIPA nih a chimmi a si i a chim bangin a si ko lai.

⁴Vawlei cu a ro i a car; vawlei cu a uai in a uai; van zong vawlei zong an rop dih.

⁵Mi nih Pathian nawlbia kha an buar caah vawlei cu an thurter i zungzal hmun dingin a sermi biakamnak kha an hrawh caah an hnawmhter.

⁶Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

⁷Mitsur ruang kha an car i mitsur zu kha a tlawm. A rak i lawm tawnmi kha atu cu an ngaih a chia dih cang i

⁸an i lawmhnak hla dawh le tingtang tum thawng le khuang thawng kha a dai cang.

⁹Hlasak pah i mitsur zu din kha a um ti lo, ahohmanh nih mitsur zu kha a thaw an ti ti lo.

¹⁰Khuapi chungah zeizong vialte hnahnawk in a um dih, inn kha khar an si dih i mi kha lengah chuah an si dih.

¹¹Zalam ah khan mi cu an dir i, zu kan duh, tiah an au; lawmhnak cu a lo cang, ram chungin hlonh a si cang.

¹²Khuapi cu a rawk i a kutka cu an baoh dih hna.

¹³Mah hihi vawlei cung miphun dihlak cung i a tlung dingmi thil cu a si. Zei he dah aa lawh lai ti ahcun, rawl òuan a dih tik i oliv thei vialte oliv nge in an òhilh dih hna hnu le mitsur ruang in mitsur thei vialte an lawh dih hna caan he khin aa lo lai.

¹⁴A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i

¹⁵nichuahlei i a ummi nih an thangòhat lai. Rili kam i a ummi hna nih BAWIPA Israel Pathian cu an thangòhat lai.

¹⁶Vawlei cung a hlatnak bik ram i a ummi hna sinin a dingmi miphun, Israel miphun thangòhatnak hla kha kan theih lai. Sihmanhsehlaw kei ka caah cun ruahchan awk a um lo. Ka der chin lengmang ko. Mirawihmang mi pawl kha mi rawi an hmang òhiamòhiam ko i an mirawinak kha a chia chin lengmang a panh.

¹⁷Vawleicung mi hna! Thil òihnung le khor le rap nih an in bawh ko hna.

¹⁸Thil òihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai.

¹⁹Vawlei cu a kak a kuai lai i aa cheu lai.

²⁰Vawlei cu zuri bangin a sawn lai i òotho lak thlam bangin aa hnin lai. Vawlei cu a sualnak nih rit piin a nenh; a tlu lai i zeitikhmanh ah a tho òhan ti lai lo.

²¹BAWIPA nih cunglei òhawnnak le vawlei cung uktu hna kha dan a tat hna lai ni a phan lai.

²²Pathian nih siangpahrang hna kha thongtla hna bangin khor chungah i tet tein a erh hna lai. An dantatnak ni a phak hlantiang thong ah cun a khumh hna lai.

²³Ralkapbu BAWIPA cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.